10 రోజుల్లో క.. లక్కీ భాస్కర్ వరల్డ్ వైడ్ కలెక్షన్స్ ఇవే.. ఒకదానికి మరొకటి పోటీ..?
ఈ సంవత్సరం దీపావళి పండుగ సందర్భంగా అక్టోబర్ 31 వ తేదీన క , లక్కీ భాస్కర్ అనే రెండు సినిమాలు థియేటర్లలో విడుదల అయిన విషయం మన అందరికీ తెలిసిందే. మొదటి నుండి ఈ రెండు సినిమాలపై ప్రేక్షకుల్లో మంచి అంచనాలు ఉన్నాయి. దానితో మంచి అంచనాల నడుమ విడుదల అయిన ఈ రెండు సినిమాలకు కూడా సూపర్ సాలిడ్ బ్లాక్ బాస్టర్ టాక్ రావడంతో ప్రస్తుతం ఈ రెండు మూవీ లు ప్రపంచ వ్యాప్తంగా అద్భుతమైన కలెక్షన్లను వసూలు చేస్తున్నాయి. ఇప్పటివరకు ఈ రెండు సినిమాలకు సంబంధించిన 10 రోజుల బాక్స్ ఆఫ్ ఈ రన్ కంప్లీట్ అయింది. ఈ 10 రోజుల్లో ఈ రెండు సినిమాలకు ఎన్ని కోట్ల కలెక్షన్స్ వచ్చాయి అనే విషయాలను ఈ మూవీ బృందం అధికారికంగా ప్రకటించింది. మరి అధికారిక ప్రకటన ప్రకారం ఈ సినిమాలకు 10 రోజుల్లో వచ్చిన కలెక్షన్ల వివరాలను తెలుసుకుందాం.
కిరణ్ అబ్బవరం హీరోగా రూపొందిన "క" సినిమా ఇప్పటివరకు 10 రోజుల బాక్స్ ఆఫీస్ రన్ కంప్లీట్ చేసుకుంది. ఈ 10 రోజుల్లో ఈ సినిమాకు ప్రపంచ వ్యాప్తంగా 42.8 ప్లస్ కోట్ల గ్రాస్ కలెక్షన్లు వచ్చినట్లు ఈ మూవీ బృందం తాజాగా అధికారికంగా ప్రకటిస్తూ ఓ పోస్టర్ను కూడా విడుదల చేసింది.
దుల్కర్ సల్మాన్ హీరోగా మీనాక్షి చౌదరి హీరోయిన్గా వెంకీ అట్లూరి దర్శకత్వంలో రూపొందిన లక్కీ భాస్కర్ మూవీ ని సీతార ఎంటర్టైన్మెంట్ బ్యానర్ పై సూర్య దేవర నాగ వంశీ నిర్మించాడు. ఈ మూవీ కి జీ వీ ప్రకాష్ కుమార్ సంగీతం అందించాడు. ఈ మూవీ కి పది రోజుల్లో ప్రపంచ వ్యాప్తంగా 88.7 ప్లస్ కోట్ల గ్రాస్ కలెక్షన్లు వచ్చినట్లు ఈ మూవీ బృందం వారు అధికారికంగా ప్రకటించారు.
ఇక ఈ రెండు మూవీ బృందాలు ప్రకటించిన కలెక్షన్లను బట్టి చూస్తే రెండు మూవీ లు కూడా అదిరిపోయే రేంజ్ కలెక్షన్లను వసూలు చేస్తున్నట్టు తెలుస్తుంది.