బలగం వేణు 'ఎల్లమ్మ' కోసం రంగంలోకి బుడ్డ హీరో ?
కమెడియన్ వేణు దర్శకుడిగా మారి బలగం సినిమాను తీసిన సంగతి తెలిసిందే. ఈ సినిమా బ్లాక్ బస్టర్ విజయాన్ని సొంతం చేసుకుంది. అతి చిన్న సినిమాగా విడుదలైన బలగం భారీ వసూళ్లను రాబట్టింది. ఈ క్రమంలోనే వేణు తన తదుపరి సినిమా ప్రాజెక్టు కోసం ఎదురు చూస్తున్నాడు. ఇప్పటికే ఎల్లమ్మ టైటిల్ తో ఒక కథని వేణు రెడీ చేసుకున్నారట. తెలంగాణ బ్యాక్ డ్రాప్ లో మాస్ అండ్ యాక్షన్ జోనర్ లో ఉండే కథతో ఎల్లమ్మ స్క్రిప్ట్ ని సిద్ధం చేసినట్లు సమాచారం అందుతోంది.
దిల్ రాజు శ్రీ వెంకటేశ్వర క్రియేషన్స్ బ్యానర్ లో ఈ సినిమాని భారీ బడ్జెట్ తో తీయడానికి సిద్ధంగా ఉన్నారు. బలగం వంటి బంపర్ హిట్ కొట్టిన వేణు ఎల్దండి రెండో సినిమా స్టార్ట్ ప్రారంభించకపోవడం హాట్ టాపిక్ అవుతుంది. ఈ పరిస్థితుల్లో ఇప్పుడు అతను హీరోని మార్చేశాడని ఓ న్యూస్ వైరల్ అవుతుంది. ఈ చిత్రంలో హనుమాన్ తో సెన్సేషనల్ హిట్ కొట్టిన తేజ సజ్జా హీరోగా చేస్తున్నారట.
దీనికి సంబంధించిన అధికారిక ప్రకటన త్వరలోనే వెలువడనుంది. తేజ సజ్జాతో వేణు తెరకెక్కించే సినిమా ఎల్లమ్మ కథతోనే ప్రారంభం అవుతుందని ఓ న్యూస్ వైరల్ అవుతుంది. అంటే నేచురల్ స్టార్ నాని ఒప్పుకున్న కథని ఇప్పుడు ఈ యంగ్ హీరో చేస్తున్నాడని సమాచారం. ఓవైపు నితిన్, మరోవైపు నాని కొత్త ప్రాజెక్టులతో బిజీగా ఉన్నారు. వారి కమిట్మెంట్లు అయ్యేసరికి చాలా సమయం ఉండడం వల్ల వేణు కొత్త హీరో తేజ సజ్జను ఫిక్స్ చేశారని చెబుతున్నారు.
కాగా, కమెడియన్ వేణు దర్శకుడిగా మారి ప్రియదర్శి, కావ్య కళ్యాణ్ రామ్ జంటగా దిల్ రాజు కూతురు హన్షిక రెడ్డి నిర్మాణంలో బలగం సినిమా తెరకెక్కింది. మానవ సంబంధాలు, కుటుంబ విలువలు కథాంశంతో తెరకెక్కిన బలగం సినిమా కలెక్షన్లతోపాటు అవార్డులను కూడా సొంతం చేసుకుంది. ఈ సినిమా ప్రతి ఒక్కరిని ఆకట్టుకుంది.