తారక్ చేసిన పని చేయడానికి నో చెప్పిన ప్రభాస్.. కారణం అదేనా..?
తెలుగు సినీ పరిశ్రమలో సూపర్ క్రేజ్ కలిగిన హీరోలలో యంగ్ టైగర్ జూనియర్ ఎన్టీఆర్ ఒకరు. ఇకపోతే జూనియర్ ఎన్టీఆర్ , రాజమౌళి దర్శకత్వంలో రూపొందిన ఆర్ ఆర్ ఆర్ అనే సినిమాతో ఇండియా వ్యాప్తంగా గుర్తింపును సంపాదించుకున్నాడు. ఇక తాజాగా కొరటాల శివ దర్శకత్వంలో దేవర పార్ట్ 1 అనే మూవీ తో ప్రేక్షకుల ముందుకు వచ్చి అదిరిపోయే రేంజ్ విజయాన్ని అందుకున్నాడు. ఈ మూవీ ఇప్పటికే 500 కోట్లకు పైగా కలెక్షన్లను కొల్లగొట్టింది. 600 కోట్ల కలెక్షన్లను కూడా ఈ మూవీ వసూలు చేసే అవకాశాలు కనిపిస్తున్నాయి. ఇక ప్రస్తుతం ఈ నటుడు హిందీ సినిమా అయినటువంటి వార్ 2 లో నటిస్తున్నాడు.
ఈ మూవీ లో బాలీవుడ్ స్టార్ హీరోలలో ఒకరు అయినటువంటి హృతిక్ రోషన్ హీరోగా నటిస్తూ ఉండగా ... జూనియర్ ఎన్టీఆర్ ఈ మూవీలో నెగిటివ్ షేడ్స్ ఉన్న పాత్రలో కనిపించబోతున్నట్లు తెలుస్తోంది. ఇకపోతే దాదాపు ఇలాంటి ఆఫర్ ప్రభాస్ కి కూడా వచ్చిందట. కానీ ఆయన మాత్రం ఆ సినిమా ఆఫర్ ను రిజెక్ట్ చేసినట్లు తెలుస్తోంది. ప్రస్తుతం వైరల్ అవుతున్న వార్త ప్రకారం ... హిందీ సినీ పరిశ్రమలో మంచి గుర్తింపును సంపాదించుకున్న దర్శకులలో ఒకరు అయినటువంటి సిద్ధార్థ్ ఆనంద్ , షారుఖ్ ఖాన్ హీరోగా ఓ మూవీ ని చేయాలి అని డిసైడ్ అయినట్లు తెలుస్తోంది. ఇకపోతే ఈ సినిమాలో షారుక్ తో పాటు మరో కీలకమైన పాత్ర కూడా ఉంటుందట. ఆ పాత్రలో నటించడం కోసం ప్రభాస్ ను సంప్రదించగా ఆయన మాత్రం మల్టీస్టారర్ మూవీ లో నటించే ఉద్దేశం ఇప్పట్లో లేదు అని చెప్పినట్లు దానితో ఈ మూవీ లో ప్రభాస్ ను తీసుకునే ఆలోచనలో ఈ మూవీ యూనిట్ కూడా వెనక్కు తగ్గినట్లు ఓ వార్త వైరల్ అవుతుంది.