కిరణ్ అబ్బవరం పై పగబట్టిన హీరోయిన్లు.. చుక్కలు చూపిస్తూ.?
యంగ్ హీరో గా ఇండస్ట్రీలో స్టార్డం సంపాదిస్తున్న కిరణ్ అబ్బవరం తాజాగా క అనే పాన్ ఇండియా మూవీ తో మన ముందుకు రాబోతున్నారు. అయితే ఇంత చిన్న హీరో పాన్ ఇండియా సినిమా తీయడం ఏంటి అని ఇప్పటికే ఈయనపై ఎంతో మంది విమర్శలు చేశారు. కానీ వారి విమర్శలని ప్రశంసలుగా మార్చుకొని ముందుకు వెళ్తున్నారు.అయితే తాజాగా ఈయన క మూవీకి సంబంధించి ప్రీ రిలీజ్ ఈవెంట్ ని చాలా గ్రాండ్ గా నిర్వహించారు చిత్ర యూనిట్. ఈ ఈవెంట్ కి చీఫ్ గెస్ట్ గా అక్కినేని నాగచైతన్య కూడా వచ్చారు. అలాగే కిరణ్ అబ్బవరం భార్య హీరొయిన్ రహస్య గోరక్ కూడా ఈవెంట్లో కనిపించింది. అయితే పాన్ ఇండియా సినిమా కాబట్టి క మూవీ ప్రమోషన్స్ ని భారీ ఎత్తున నిర్వహిస్తున్నారు చిత్ర యూనిట్.అయితే ఎక్కడ చూసినా ప్రమోషన్స్ ఈవెంట్లో హీరో కిరణ్ అబ్బవరం తప్ప మిగతా ఇద్దరు హీరోయిన్లు కనిపించడం లేదు.
ఈ సినిమాలో హీరోయిన్ గా తన్వీ రామ్ అలాగే మరో ఫిమేల్ లీడ్ రోల్ లో నయన్ సారిక నటించారు. కానీ ఈ ఇద్దరు ఏ ప్రమోషన్ లో కూడా కనిపించడం లేదు. దాంతో హీరోయిన్లతో కిరణ్ అబ్బవరం కి సంథింగ్ ఏదో జరిగింది అంటూ నెట్టింట్లో వార్తలు చక్కర్లు కొడుతున్నాయి. అయితే షూటింగ్ వరకు ఈ ఇద్దరు హీరోయిన్లు బాగానే పాల్గొన్నప్పటికీ ప్రమోషన్స్ ఈవెంట్ లో మాత్రం అస్సలు కనిపించడం లేదు. దీంతో కిరణ్ అబ్బవరం సినిమా గురించి మరిన్ని రూమర్లు మీడియాలో వైరల్ అవుతున్నాయి. ఇప్పటికే తన సినిమాను తొక్కేయాలని తన సినీ కెరీర్ ని ముందుకు వెళ్లకుండా చూడాలని ఎంతోమంది కుట్రలు చేస్తున్నారంటూ కిరణ్ అబ్బవరం ఈ సినిమా ప్రీ రిలీజ్ ఈవెంట్ లో స్టేజి మీద చెప్పుకొని బాధపడ్డారు.
అలాంటిది సినిమాలో నటించిన హీరోయిన్లు కూడా ప్రమోషన్స్ ఈవెంట్స్ కి రాకపోవడంతో మరిన్ని రూమర్లు నెట్టింట వైరల్ అవుతున్నాయి. ఇక ప్రీ రిలీజ్ ఈవెంట్ కి కూడా నిర్మాత బలవంతం వల్లే హీరోయిన్లు వచ్చినట్టు తెలుస్తోంది.దీంతో కిరణ్ అబ్బవరం కష్టాలు చూసిన చాలామంది నెటిజన్లు బయటివాళ్లే అనుకుంటే సినిమాలో నటించిన హీరోయిన్లు కూడా కిరణ్ అబ్బవరంకి చుక్కలు చూపిస్తున్నారు కదా పాపం ఈయనకు ఎన్ని కష్టాలో అంటూ కామెంట్లు పెడుతున్నారు. ఇక కిరణ్ అబ్బవరం ఇప్పటివరకు ఎనిమిది సినిమాలు చేసినప్పటికీ అందులో ఎస్ఆర్ కళ్యాణమండపం సినిమా మాత్రమే మంచి హిట్ అయింది.