సూప‌ర్ హిట్ అవ్వాల్సిన ' విశ్వం ' సినిమా శ్రీను వైట్ల చేసిన ఆ మిస్టేక్‌తోనే ఢాం అయ్యిందా...?

RAMAKRISHNA S.S.
శ్రీను వైట్ల అంటేనే టాలీవుడ్ లో ఒక మార్క్ ఉంది. ఓ బ్రాండ్ ఉంది. ఆనందం, సొంతం, వెంకీ, దుబాయ్ శీను, ఢీ, రెడీ, దూకుడు ఇవన్నీ సరైన మార్క్ సినిమాలు. ఈ సినిమాలో స్పెషాలిటీ ఏమిటంటే.. ఎక్కడి నుంచి చూసిన రిమోట్ అవసరం ఉండదు. ప్రతి సీను చక్కగా ఎంజాయ్ చేయవచ్చు. అందులో కామెడీ బిట్లు ఎన్నిసార్లు చూసినా నవ్వుతూనే ఉంటాం. అయితే గత కొన్నాళ్లుగా శ్రీనువైట్ల ఫామ్ లో లేడు. వరుస ఫ్లాపులతో కెరీర్ లో పూర్తిగా వెనకబడిపోయాడు.

ఎప్పుడో 2018లో రవితేజ హీరోగా వచ్చిన అమర్ అక్బర్ ఆంటోనీ సినిమా తర్వాత మళ్లీ శ్రీను వైట్ల నుంచి సినిమా రాలేదు. అటు హీరో గోపీచంద్ కూడా వ‌రుస‌ పెట్టి డిజాస్టర్లు ఇస్తున్నాడు. ఈ టైంలో వీళ్ళిద్దరి కలయికలో వచ్చిన విశ్వం సినిమా ఖచ్చితంగా హిట్ అవుతుందని.. ఇద్దరికీ సూపర్ హిట్ ఇస్తుందని అందరూ నమ్మకాలు పెట్టుకున్నారు. కానీ.. సినిమా చూస్తే శ్రీను వైట్ల చేసిన ఒక మిస్టేక్ వల్ల సూపర్ హిట్ అవ్వాల్సిన రెస్పాన్స్.. సినిమా బిలో యావరేజ్ కు ఫ్లాప్‌కు మధ్య కొట్టుమిట్టాడుతుంది.

రెడీ, దూకుడు, బాద్షా లాంటి తన పాత సినిమాలలో హీరో పక్క క్యారెక్టర్లకు ఏదో ఒక కథ చెప్పి బకరాలను చేసి తన మిషన్‌కు వాడుకుంటూ ఉంటాడు. విశ్వం సినిమాకు కూడా అదే ఫార్ములా ఫాలో అయిపోయాడు. గొప్పగా చెప్పుకున్న ట్రైన్ ఎపిసోడ్ కూడా తేలిపోయింది. సినిమా మొత్తం చూసేక శ్రీనువైట్ల మరోసారి కథ‌పై పెద్దగా దృష్టి పెట్టలేదు అనిపిస్తుంది. ఈ రోజుల్లో రెగ్యులర్ ఫార్మాట్ సినిమాలు ఎవరూ చూడటం లేదు. అలాంటి కథలు చెప్పాలనుకుంటే ఎంటర్టైన్మెంట్ బలంగా రాసుకొని చేయాలి. ఆ విషయంలో శ్రీను వైట్ల పూర్తిగా ఫెయిల్ అయ్యాడు. తన పాత సినిమాలను కాపీ కొట్టి అటూ.. ఇటూ.. మిక్చర్ పొట్లం చేసి విశ్వం సినిమాను తీసేశాడు. ఫలితంగా విశ్వం సినిమా అంచనాలలో కనీసం 20 శాతం కూడా అందుకోలేదు.
మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Vishvam

సంబంధిత వార్తలు: