ఆ హీరో వల్లే నా సినిమాలు తీసే విధానం మారింది.. శ్రీను వైట్ల..!
తెలుగు సినీ పరిశ్రమలో అద్భుతమైన క్రేజ్ కలిగిన దర్శకులలో శ్రీను వైట్ల ఒకరు. ఈయన ఇప్పటికే ఎన్నో సినిమాలకు దర్శకత్వం వహించి తెలుగు సినీ పరిశ్రమలో టాప్ డైరెక్టర్లలో ఒకరిగా చాలా సంవత్సరాల పాటు కెరియర్ను కొనసాగించాడు. ఇకపోతే ఆఖరుగా శ్రీను వైట్ల దర్శకత్వంలో రూపొందిన దూకుడు మూవీ బ్లాక్ బస్టర్ విజయాన్ని అందుకుంది. ఈ సినిమా తర్వాత ఈయన బాద్ షా అనే సినిమాకు దర్శకత్వం వహించాడు. ఈ మూవీ యావరేజ్ విజయాన్ని అందుకుంది. ఇక ఈ సినిమా తర్వాత ఈయన దర్శకత్వం వహించిన ఏ సినిమా కూడా బాక్స్ ఆఫీస్ దగ్గర పెద్ద స్థాయి విజయాన్ని అందుకోలేదు.
తాజాగా ఈ దర్శకుడు గోపీచంద్ హీరోగా కావ్య దాపర్ హీరోయిన్గా విశ్వం అనే సినిమాను రూపొందించాడు. ఈ మూవీ ని పీపుల్స్ మీడియా ఫ్యాక్టరీ బ్యానర్ పై టీ జీ విశ్వప్రసాద్ నిర్మిస్తున్నాడు. ఈ మూవీ ని అక్టోబర్ 11 వ తేదీన విడుదల చేయనున్నట్లు ఈ మూవీ బృందం వారు తాజాగా అధికారికంగా ప్రకటించారు. ఇకపోతే శ్రీను వైట్ల కొన్ని రోజుల క్రితం ఓ ఇంటర్వ్యూ లో పాల్గొన్నాడు. అందులో భాగంగా ఓ హీరో కోసం తన సినిమాల స్టైల్ ని మార్చుకున్నట్లు చెప్పాడు. తాజా ఇంటర్వ్యూ లో భాగంగా శ్రీను వైట్ల మాట్లాడుతూ ... పవన్ కళ్యాణ్ నటన అంటే నాకు చాలా ఇష్టం.
నేను కెరియర్ ప్రారంభంలో నీకోసం అనే ఒక సీరియస్ సినిమాను చేశాను. ఇక పవన్ కళ్యాణ్ అద్భుతమైన కామెడీతో లవ్ సినిమాలలో నటిస్తూ వచ్చాడు. ఆ సినిమాలో చూశాక నాకు అనిపించింది సినిమాలను ఇలా కామెడీతో పాటు తీస్తే అద్భుతంగా ఉంటుంది అని , ఆ వెంటనే నేను అలాంటి ప్రయోగాలు చేయడం మొదలు పెట్టాను. అందులో భాగంగా నేను అనేక సినిమాలను కామెడీతో హైలెట్ చేశాను. అలా పవన్ కళ్యాణ్ ద్వారా నా సినిమాలు చేసే విధానం పూర్తిగా మారింది అని శ్రీను వైట్ల తాజాగా చెప్పుకొచ్చాడు.