అటు హీరో.. ఇటు హీరోయిన్.. ఇద్దరికీ హిట్ కంపల్సరీ.. ఆ మూవీ ఇద్దరి ఆశలను నెరవేర్చేనా..?
మాస్ మహారాజా రవితేజ , శ్రీ లీల కాంబినేషన్లో కొంత కాలం క్రితం ధమాకా అనే పక్కా మాస్ కమర్షియల్ ఎంటర్టైనర్ మూవీ రూపొందిన విషయం మన అందరికీ తెలిసిందే. ఈ మూవీ బాక్స్ ఆఫీస్ దగ్గర మంచి విజయం అందుకుంది. ఈ సినిమాలో శ్రీ లీల తన డ్యాన్స్ తో , అందాలతో ప్రేక్షకులను కట్టు పడేసింది. రవితేజ ఈ మూవీ తర్వాత పలు సినిమాలలో హీరోగా నటించిన ఆయనకు ఈ మూవీ తర్వాత ఏ మూవీ తో కూడా మంచి విజయం దక్కలేదు. ఆఖరుగా రవితేజ "మిస్టర్ బచ్చన్" అనే మూవీ తో ప్రేక్షకుల ముందుకు వచ్చాడు.
ఈ సంవత్సరం ఆగస్టు 15 వ తేదీన థియేటర్లలో విడుదల అయిన ఈ సినిమా కూడా బాక్స్ ఆఫీస్ దగ్గర రవితేజ కు నిరాశనే మిగిల్చింది. ధమాకా మూవీ తర్వాత శ్రీ లీలా కూడా వరుస సినిమాలలో నటిస్తూ వస్తుంది. ఈ బ్యూటీ ధమాకా సినిమా తర్వాత హీరోయిన్గా నటించిన ఏ సినిమా కూడా పెద్ద స్థాయి విజయాన్ని అందుకోలేదు. ఈమె ధమాకా సినిమా తర్వాత బాలకృష్ణ హీరోగా రూపొందిన భగవంత్ కేసరి సినిమాలో ఓ కీలకమైన పాత్రలో నటించింది. ఈ మూవీ మాత్రం మంచి విజయాన్ని అందుకుంది.
ధమాకా సినిమా తర్వాత శ్రీ లీల హీరోయిన్గా నటించిన ఏ మూవీ కూడా బాక్స్ ఆఫీస్ దగ్గర విజయాన్ని అందుకోలేదు. ఇక ప్రస్తుతం రవితేజ హీరోగా శ్రీ లీల హీరోయిన్గా ఓ మూవీ రూపొందుతుంది. భాను భోగవరకు ఈ సినిమాకు దర్శకత్వం వహిస్తున్నాడు. ఈ మూవీ కి టైటిల్ ను ఫిక్స్ చేయని నేపథ్యంలో "RT 75" అనే వర్కింగ్ టైటిల్ తో ఈ మూవీ షూటింగ్ ను తరకెక్కిస్తున్నారు. ఈ మూవీ పైనే రవితేజ , శ్రీ లీలా కెరియర్లకు ఎంతో కీలకంగా మారింది. మరి ఈ మూవీతో వీరిద్దరికీ మంచి విజయం దక్కుతుందేమో చూడాలి.