నా కెరియర్ లోనే ఆ పని చేయడం అత్యంత కష్టంగా ఉంది.. "పుష్ప 2" గురించి సూపర్ అప్డేట్ ఇచ్చిన బన్నీ..!
ఐకాన్ స్టార్ అల్లు అర్జున్ ఆఖరుగా సుకుమార్ దర్శకత్వంలో రూపొందిన పుష్ప పార్ట్ 1 మూవీ తో ప్రేక్షకులను పలకరించాడు. ఈ మూవీ లో నేషనల్ క్రష్ రష్మిక మందన హీరోయిన్ గా నటించగా ... అనసూయ , సునీల్ , రావు రమేష్ ఈ మూవీ లో ముఖ్య పాత్రాలలో నటించారు. ఈ మూవీ లో ఫాహద్ ఫజిల్ విలన్ పాత్రలో నటించాడు. మంచి అంచనాల నడుమ విడుదల అయిన ఈ సినిమా అద్భుతమైన విజయాన్ని అందుకుంది. ఈ సినిమాలోని నటనకు గాను అల్లు అర్జున్ కి నేషనల్ అవార్డు కూడా దక్కింది.
ఈ మూవీ మొదటి భాగం అద్భుతమైన విజయం అందుకోవడంతో ఈ సినిమా రెండవ భాగంపై ఇండియా వ్యాప్తంగా ప్రేక్షకుల్లో భారీ అంచనాలు ఉన్నాయి. ఇకపోతే ప్రస్తుతం పుష్పా పార్ట్ 2 మూవీ షూటింగ్ ఫుల్ స్పీడ్ గా జరుగుతుంది. ఈ మూవీ ని కొంత కాలం క్రితం ఆగస్టు 15 వ తేదీన విడుదల చేయనున్నట్లు మేకర్స్ ప్రకటించారు. ఆ తర్వాత ఈ సినిమాను ఆగస్టు 15 వ తేదీన కాకుండా డిసెంబర్ 6 వ తేదీన విడుదల చేయనున్నట్లు ప్రకటించారు. ఇకపోతే తాజాగా అల్లు అర్జున్ , రావు రమేష్ ప్రధాన పాత్రలో రూపొందిన మారుతీ నగర్ సుబ్రహ్మణ్యం సినిమా ఫ్రీ రిలీజ్ ఈవెంట్ కు ముఖ్య అతిథిగా విచ్చేశాడు.
అందులో భాగంగా అల్లు అర్జున్ మాట్లాడుతూ పుష్ప పార్ట్ 2 మూవీ క్లైమాక్స్ అత్యంత కఠినంగా ఉంది. ఇంత వరకు నా కెరియర్ లో నేను ఎన్నో సినిమాలలో నటించాను. కానీ ఇంత కఠినమైన క్లైమాక్స్ సన్నివేశంలో మాత్రం ఎప్పుడూ నటించలేదు. పుష్ప క్లైమాక్స్ సన్నివేశం మిమ్మల్ని ఎంతో బాగా ఆకట్టుకుంటుంది అని తాజాగా అల్లు అర్జున్ చెప్పుకొచ్చాడు. ఇకపోతే మారుతీ నగర్ సుబ్రహ్మణ్యం సినిమా ప్రి రిలీజ్ ఈవెంట్ కు పుష్ప పార్ట్ 2 మూవీ డైరెక్టర్ అయినటువంటి సుకుమార్ కూడా ముఖ్య అతిథిగా విచ్చేశాడు.