మళ్లీ ఆ హీరోనే నమ్ముకున్న పూరి.. ఈసారైనా వర్కౌట్ అయ్యేనా..?
టాలీవుడ్ ఇండస్ట్రీ లో స్టార్ డైరెక్టర్లలో ఒకరిగా కెరియర్ను కొనసాగించిన వారిలో పూరి జగన్నాథ్ ఒకరు. ఈయన కెరియర్ను ప్రారంభించిన కొత్తలో వరుస విజయాలను అందుకుంటు చాలా తక్కువ కాలంలోనే టాలీవుడ్ ఇండస్ట్రీలో టాప్ డైరెక్టర్ల స్థాయికి చేరుకున్నాడు. ఇకపోతే ఈ మధ్య కాలంలో మాత్రం పూరి జగన్నాథ్ సరైన విజయాలను అందుకోవడం లేదు. కొంత కాలం క్రితం ఎన్టీఆర్ హీరోగా రూపొందిన టెంపర్ మూవీ తో సాలిడ్ విజయాన్ని అందుకున్న ఈయన ఆ తర్వాత అనేక అపజయాలను అందుకొని ఇస్మార్ట్ శంకర్ మూవీ తో మంచి విజయాన్ని అందుకున్నాడు. ఇక ఆ తర్వాత మళ్లీ ఈయన అపజయాలను అందుకుంటున్నాడు.
కొంత కాలం క్రితం ఈయన లైగర్ మూవీ కి దర్శకత్వం వహించగా ఆ సినిమా బాక్స్ ఆఫీస్ దగ్గర బోల్తా కొట్టింది. తాజాగా పూరి జగన్నాథ్ "డబల్ ఇస్మార్ట్" మూవీ కి దర్శకత్వం వహించాడు. ఈ సినిమా ఆగస్టు 15 వ తేదీన విడుదల అయ్యింది. ఈ సినిమాకు కూడా నెగిటివ్ టాక్ వచ్చింది. ఇకపోతే పూరి జగన్నాథ్ కొన్ని సంవత్సరాల క్రితం బాలకృష్ణ హీరోగా పైసా వసూల్ అనే సినిమాను రూపొందించిన విషయం మన అందరికీ తెలిసిందే. భారీ అంచనాల నడుమ విడుదల అయిన ఈ సినిమా బాక్స్ ఆఫీస్ దగ్గర విజయాన్ని సాధించలేదు.
ఇకపోతే ప్రస్తుతం వరుస అపజాయలతో డీలా పడిపోయిన పూరి జగన్నాథ్ , బాలకృష్ణ హీరోగా ఓ మూవీ చేయడానికి ప్లాన్ చేస్తున్నట్లు తెలుస్తోంది. అందులో భాగంగా బాలకృష్ణ ను కలిసి ఓ కథను వివరించినట్లు బాలయ్య కూడా పూరి జగన్నాథ్ దర్శకత్వంలో సినిమా చేయడానికి గ్రీన్ సిగ్నల్ ఇచ్చినట్లు ఓ వార్త వైరల్ అవుతుంది. ఇకపోతే ప్రస్తుతం బాలయ్య , బాబి దర్శకత్వంలో ఓ మూవీ లో నటిస్తున్నాడు. ఆ తర్వాత బోయపాటి శ్రీను దర్శకత్వంలో ఓ మూవీ చేయడానికి గ్రీన్ సిగ్నల్ ఇచ్చాడు. ఈ మూవీ ల తర్వాతే పూరి జగన్నాథ్ , బాలయ్య సినిమా ఉండే అవకాశాలు ఉన్నట్లు తెలుస్తోంది.