వరంగల్ నుండి మొదలు పెట్టనున్న డబల్ ఇస్మార్ట్ యూనిట్.. స్పెషల్ కారణం అదేనా..?
తెలుగు సినీ పరిశ్రమలో మంచి గుర్తింపు కలిగిన హీరోలలో రామ్ పోతినేని ఒకరు. రామ్ ఆఖరుగా ఈస్మార్ట్ శంకర్ మూవీ తో మంచి విజయాన్ని అందుకున్నాడు. ఆ తర్వాత ఈయన ది వారియర్ అనే పవర్ఫుల్ యాక్షన్ ఎంటర్టైనర్ మూవీ లో హీరో గా నటించాడు. మంచి అంచనాల నడుమ విడుదల అయిన ఈ సినిమా బాక్స్ ఆఫీస్ దగ్గర బోల్తా కొట్టింది. ఆ తర్వాత టాలీవుడ్ ఇండస్ట్రీ లో అదిరిపోయే రేంజ్ క్రేజ్ కలిగిన మాస్ దర్శకులలో ఒకరు అయినటువంటి బోయపాటి శ్రీను దర్శకత్వంలో రూపొందిన స్కంద అనే పాన్ ఇండియా మూవీ లో హీరో గా నటించాడు.
ఈ సినిమా కూడా అద్భుతమైన అంచనాల నడుమ విడుదల అయింది. కాకపోతే ఈ మూవీ కూడా రామ్ కి నిరాశనే మిగిల్చింది. ఇది ఇలా ఉంటే ఈస్మార్ట్ శంకర్ మూవీ తో రామ్ పోతినేని కి మంచి విజయం దక్కింది. దానితో పూరి జగన్నాథ్ , రామ్ పోతినేని హీరోగా తాజాగా ఇస్మార్ట్ శంకర్ సినిమాకి కొనసాగింపుగా డబల్ ఇస్మార్ట్ అనే పేరుతో ఓ మూవీ ని రూపొందించాడు. ఈ మూవీ ని ఆగస్టు 15 వ తేదీన విడుదల చేయనున్నారు. ఈ సినిమా విడుదల తేదీ దగ్గర పడడంతో ప్రస్తుతం ఈ మూవీ యూనిట్ పర్వాలేదు అనే స్థాయిలోనే ప్రచారాలను చేస్తూ వస్తుంది.
ఇకపోతే ప్రస్తుతం అందుతున్న సమాచారం ప్రకారం ఈ మూవీ బృందం ఈ నెల 12 వ తేదీన వరంగల్ లో ఈ మూవీ కి సంబంధించిన ఫ్రీ రిలీజ్ ఈవెంట్ ను భారీ ఎత్తున నిర్వహించడానికి ప్లాన్స్ చేస్తున్నట్లు , అందుకు సంబంధించిన అధికారిక ప్రకటన కూడా రాబోతున్నట్లు తెలుస్తోంది. ఇకపోతే ఈ సినిమాలో రామ్ తెలంగాణ ప్రాంతానికి చెందిన కుర్రాడి పాత్రలో కనిపించబోతున్నాడు. దానితో వరంగల్ లో ఈ మూవీ యూనిట్ ఈ సినిమా ఫ్రీ రిలీజ్ ఈవెంట్ ను ప్లాన్ చేసినట్లు తెలుస్తోంది.