సంచలన నిర్ణయం తీసుకున్న "ఇండియన్ 2" యూనిట్.. ఏకంగా అన్ని నిమిషాలు కట్..?
లోక నాయకుడు కమల్ హాసన్ హీరో గా శంకర్ దర్శకత్వంలో ఇండియన్ 2 అనే మూవీ రూపొందిన విషయం మన అందరికీ తెలిసిందే. ఈ సినిమాను లైకా ప్రొడక్షన్స్ , రెడ్ గ్లంట్ సంస్థల వారు సంయుక్తంగా నిర్మించగా ... ఈ మూవీ లో సిద్ధార్థ్ , రకుల్ ప్రీత్ సింగ్ , ప్రియ భవాని శంకర్ కీలక పాత్రలలో నటించారు. సముద్ర ఖని , బాబీ సింహ ఈ మూవీ లో ముఖ్య పాత్రలలో నటించారు. ఇకపోతే ఈ సినిమా జూలై 12 వ తేదీన తమిళ్ తో పాటు తెలుగు , హిందీ భాషలలో కూడా విడుదల అయింది. ఈ మూవీ తమిళ్ లో ఇండియన్ 2 అనే పేరుతో విడుదల కాక తెలుగు లో భారతీయుడు 2 , హిందీ లో హిందుస్థాన్ 2 అనే పేరుతో విడుదల అయింది.
ఇకపోతే ఈ మూవీ చాలా సంవత్సరాల క్రితం అద్భుతమైన విజయం అందుకున్న ఇండియన్ మూవీ కి కొనసాగింపుగా రూపొందడంతో ఈ మూవీ పై ప్రేక్షకులు భారీ అంచనాలు పెట్టుకున్నారు. అలా భారీ అంచనాల నడుమ విడుదల అయిన ఈ సినిమాకు విడుదల అయిన మొదటి రోజు మొదటి షో కే బాక్స్ ఆఫీస్ దగ్గర ఘోరమైన నెగెటివ్ టాక్ వచ్చింది. దానితో ఈ సినిమాకు బాక్స్ ఆఫీస్ దగ్గర కూడా మొదటి రోజు కలెక్షన్ లు చాలా తక్కువగా వచ్చాయి. ఇకపోతే ఈ సినిమా మూడు గంటలకు పైగా రన్ టైమ్ తో ప్రేక్షకుల ముందుకు వచ్చింది.
ఇది ఇలా ఉంటే ఈ మూవీ కి భారీ నెగటివ్ రాజ్ రావడంతో ఈ సినిమా రన్ టైమ్ ను తగ్గించడానికి మూవీ బృందం డిసైడ్ అయినట్లు తెలుస్తోంది. ప్రస్తుతం అందుతున్న సమాచారం ప్రకారం ఈ మూవీ లోని 20 నిమిషాల నిడివి గల సన్నివేశాలను తొలగించినట్లు , తొలగించబడిన సన్నివేశాలతో ఈ సినిమా రేపటి నుండి థియేటర్ లలో ప్రసారం కాబోతున్నట్లు తెలుస్తోంది. ఇలా ఈ మూవీ కి నెగిటివ్ టాక్ రావడంతో ఈ మూవీ నుండి 20 నిమిషాల నిడివి గల సన్నివేశాలను ఈ మూవీ బృందం తగ్గించబోతున్నట్లు తెలుస్తుంది.