కల్కి యూనివర్స్: నాగీపై ఒత్తిడి! శ్రీకృష్ణుడిగా ఆ టాప్ హీరోని సెట్ చేయమంటున్న నెటిజన్స్?
కల్కి 2898ఏడీ సినిమా గురువారం గ్రాండ్ గా విడుదల అయ్యి బాక్సాఫీస్ వద్ద భారీ వసూళ్లు నమోదు చేస్తూ బిగ్గెస్ట్ బ్లాక్ బస్టర్ హిట్ అయ్యింది. ఈ మూవీ దేశావ్యాప్తంగా ఊహించని స్థాయిలో ప్రేక్షకాదరణ సొంతం చేసుకుంది. రిలీజ్ అయిన మొదటి ఆట నుంచి మూవీకి పాజిటివ్ టాక్ వచ్చింది.విడుదలకి ముందు ఈ సినిమాకి చెప్పుకోదగ్గ స్థాయిలో ప్రమోషన్స్ చేయకపోయిన ట్రైలర్ చూసాకా ఊహించని స్థాయిలో హైప్ అయితే క్రియేట్ అయ్యింది. అందువల్ల ఈ సినిమాకి భారీగా అడ్వాన్స్ బుకింగ్స్ జరిగాయి. మొదటి మూడు రోజులకి చాలా చోట్ల థియేటర్స్ అన్ని కూడా హౌస్ ఫుల్ అయిపోయాయి. రెండు ట్రైలర్స్ తోనే ఈ సినిమా ఎంత అద్భుతంగా ఉండబోతుందనేది డైరెక్టర్ నాగ్ అశ్విన్ ఆడియన్స్ కి చూపించాడు. దీంతో కల్కి సినిమా చూడాలనే ఇంటరెస్ట్ అందరిలో పెరిగింది.. మొత్తానికి బ్లాక్ బస్టర్ టాక్ తో ఫస్ట్ రోజు 191.5 కోట్ల గ్రాస్ వసూళ్లు సాధించింది ఈ సినిమా. నాగ్ అశ్విన్ డైరెక్ట్ చేసిన ఈ సినిమాని సీనియర్ నిర్మాత అశ్వినిదత్ ఏకంగా 600 కోట్ల బడ్జెట్ తో నిర్మించారు.
అశ్వత్థామ, అర్జునుడు, కర్ణుడు, శ్రీకృష్ణుడు వంటి వివిధ పాత్రలు ఈ చిత్రంలో భాగం అయినందున ఆడియన్స్ బాగా థ్రిల్ అయ్యారు. అయితే ఇతర పాత్రలను సినిమాలో స్పష్టంగా చూపించినప్పటికీ, శ్రీకృష్ణుడి పాత్ర మాత్రం సస్పెన్స్‌గా మిగిలిపోయింది. కల్కి 2898 ADలో శ్రీ కృష్ణుడిని బ్యాక్ సైడ్ నుంచి మాత్రమే చూపించారు. నాగ్ అశ్విన్ ఎంతో తెలివిగా శ్రీకృష్ణుని ముఖాన్ని బయటపెట్టకుండా అద్భుతంగా, ప్రత్యేకంగా చూపించాడు. ఆకాశమే నీ హద్దురా చిత్రంలో సూర్య స్నేహితుడు, పైలట్‌గా నటించిన నటుడు కృష్ణ కుమార్ ఈ పాత్రను పోషించాడు. అయితే సినిమాలో ఎక్కడా కూడా అతని ముఖం కనిపించనివ్వ లేదు. కేవలం శరీరం మాత్రమే కనిపిస్తుంది. కృష్ణ కుమార్ కూడా ఈ పాత్రకు ప్రశంసలు అందుకున్నాడు. తెలుగు సినిమాలో ఇంత ముఖ్యమైన పాత్ర పోషించినందుకు అతను కూడా ఆనందాన్ని వ్యక్తం చేశాడు.
అయితే శ్రీకృష్ణుడి పాత్ర మామూలు పాత్ర కాదు కాబట్టి ఖచ్చితంగా ఆ పాత్రకి టాప్ హీరోని పెడితే టాప్ లేచిపోద్దని నెటిజన్స్ కామెంట్స్ చేస్తున్నారు. అందుకే ఈ పాత్రని సూపర్ స్టార్ మహేష్ బాబుతో చేయించాలనే డిమాండ్ నెటిజన్స్ నుంచి మొదలైంది. ఇది సినిమా ప్రేమికులందరి చిరకాల ఆశ. మహేష్ బాబును శ్రీకృష్ణుడిగా చూపించాలని కేవలం మహేష్ బాబు అభిమానులే కాకుండా టాలీవుడ్ సినిమా లవర్స్ కూడా ఎంతో ఆశపడుతున్నారు. ఈ పాత్రను పోషించడానికి మహేష్ బాబు సరైన ఎంపిక అని కామెంట్స్ చేస్తూ ఆ పాత్రకి కల్కి పార్ట్ 2 లో మహేష్ బాబుని సెట్ చెయ్యండి అంటూ నెటిజన్స్ నాగీ పై ఒత్తిడి తెస్తున్నారు. మరి అది నిజమైతే టాప్ లేచిపోవడం పక్కా.. ఫ్యాన్స్ థియేటర్లలో బట్టలు చించుకోవడం పక్కా.. మరి అది నాగీ నిజం చేస్తాడో లేదో చూడాలి.