పాన్ ఇండియా మూవీకి.. డైలాగ్ రైటర్ గా త్రివిక్రమ్?
అయితే డైరెక్టర్ త్రివిక్రమ్ కు సంబంధించి మరో క్రేజీ న్యూస్ ప్రస్తుతం సోషల్ మీడియాలో తెగ వైరల్ గా మారిపోయింది అని చెప్పాలి. ఇక ఒకప్పుడు రైటర్ గా ఎన్నో సినిమాలు హిట్ అవ్వడంలో కీలక పాత్ర వహించిన త్రివిక్రమ్.. ఇక మరోసారి దర్శకత్వ బాధ్యతలను పక్కనపెట్టి రైటర్ గా పని చేయబోతున్నాడట. అది కూడా మామూలు సినిమాకి కాదు. ఎంతో ప్రతిష్టాత్మకంగా రామాయణం నేపథ్యంలో తెరకేకుతున్న సినిమాకి. రణబీర్ కపూర్, సాయి పల్లవి రాముడు, సీత పాత్రల్లో రామాయణం మూవీ తెరకెక్కుతుంది అన్నది బాలీవుడ్ వర్గాల్లో చర్చ జరుగుతుంది. ఇక ఈ మూవీలో రావణుడికి పాత్రలో యష్ నటించబోతున్నాడట.
అయితే ఈ సినిమా గురించి ఏదో ఒక న్యూస్ తెరమీదకి వస్తూనే ఉంది అన్న విషయం తెలిసిందే. ఇక ఇప్పుడు మరో క్రేజీ న్యూస్ వైరల్ గా మారిపోయింది. ఈ సినిమా తెలుగు వర్షన్ కు మాటల మాంత్రికుడు త్రివిక్రమ్ డైలాగ్ రైటర్ గా పని చేయబోతున్నాడు అని సమాచారం. సాధారణంగానే త్రివిక్రమ్ డైలాగులు రాస్తే అదిరిపోతూ ఉంటాయి. అలాంటిది రామాయణం లాంటి ఇతిహాసానికి త్రివిక్రమ్ డైలాగులు రాశాడంటే ఇక సినిమా ఏ రేంజ్ లో ఉంటుందో అని అందరూ భారీగా అంచనాలు పెట్టుకుంటున్నారు. కాగా ఇంకా పట్టాలెక్కని ఈ సినిమా గురించి అధికారిక ప్రకటన రావాల్సి ఉంది.