వైరల్ : గుర్తుపట్టలేనంతగా మారిపోయిన.. ఒకప్పటి క్రేజీ హీరో?
ఇలా ఇండస్ట్రీలో మంచి గుర్తింపును సంపాదించుకొని ఆ తర్వాత కనుమరుకైన హీరోలు అప్పుడప్పుడు సోషల్ మీడియాలో ప్రత్యక్షమవడం చూస్తూ ఉంటాం. అయితే ఇలా చాలాకాలం తర్వాత ఆయా సెలబ్రెటీలను చూసి ఆశ్చర్య పోవడం ప్రేక్షకుల వంతు అవుతూ ఉంటుంది. ఇక ఇప్పుడు ఇలాంటి ఒక బ్యూటిఫుల్ క్రేజీ హీరో వీడియో చూసి ప్రతి ఒక్కరు కూడా షాక్ అవుతున్నారు. ఎందుకంటే ఆ హీరో గుర్తుపట్టలేనంతగా మారిపోయాడు. కాసేపు అలా చూస్తూ ఉంటే తప్ప అక్కడ ఉన్నది మనందరికీ తెలిసిన హీరో అన్నది గుర్తుపట్టడం కష్టంగా మారిపోయింది. అంతలా ఆ హీరో లుక్స్ లో మార్పులు వచ్చాయి అని చెప్పాలి.
ఇంతకీ అతను ఎవరో కాదు.. రోహిత్. 90s కిడ్స్ కి ఈయన బాగా తెలుసు. అప్పట్లో యూత్ ఫుల్ హీరోగా మంచి గుర్తింపును సంపాదించుకున్నాడు. ఎన్నో సినిమాలతో ప్రేక్షకులను అలరించాడు. తమ్మారెడ్డి భరద్వాజ్ దగ్గర అసిస్టెంట్ డైరెక్టర్గా పనిచేసిన రోహిత్.. తర్వాత హీరోగా ఇండస్ట్రీకి పరిచయం అయ్యారు. 2001లో వచ్చిన సిక్స్ టీన్ అనే సినిమాతో ఇండస్ట్రీకి హీరోగా ఎంట్రీ ఇచ్చాడు. ఇక ఈ సినిమా భారీ విజయాన్ని అందుకోవడంతో అతనికి యూత్లో మంచి క్రేజ్ వచ్చింది. చాలా సినిమాలో హీరోగా నటించిన రోహిత్ తర్వాత సెకండ్ హీరోగా కూడా ప్రేక్షకులను ఆకట్టుకున్నాడు. నవవసంతం, శంకర్ దాదా, ఎంబిబిఎస్ శంకర్ దాదా జిందాబాద్ సినిమాలో కీలక పాత్రలో నటించాడు. అయితే తర్వాత ఇండస్ట్రీకి దూరమయ్యాడు అని చెప్పాలి. ఇప్పుడు రాపిడ్ యాక్షన్ మెషిన్ అనే సినిమాలో నటిస్తున్నారు. కాగా ఇటీవల అతని లుక్స్ చూసి అందరూ ఆశ్చర్యపోతున్నారు. గుర్తుపట్టలేనంతగా నెరిసిన గడ్డంతో కనిపిస్తున్నాడు రోహిత్.