"పుష్ప 2" ఫస్ట్ సింగిల్ ఆ తేదీనే..?
ఐకాన్ స్టార్ అల్లు అర్జున్ హీరో గా రష్మిక మందన హీరోయిన్ గా సుకుమార్ దర్శకత్వంలో కొంత కాలం క్రితం "పుష్ప పార్ట్ 1" అనే మూవీ రూపొందిన విషయం మన అందరికీ తెలిసిందే. మైత్రి సంస్థ వారు నిర్మించిన ఈ మూవీ కి దేవి శ్రీ ప్రసాద్ సంగీతం అందించగా ... సమంత ఈ సినిమాలో ఓ ఐటమ్ సాంగ్ లో నటించింది. పహద్ ఫాజిల్ విలన్ పాత్రలో నటించిన ఈ సినిమాలో అనసూయ , సునీల్ , రావు రమేష్ ముఖ్య పాత్రలలో నటించారు. భారీ అంచనాల నడుమ పాన్ ఇండియా మూవీ గా విడుదల అయిన ఈ సినిమా అద్భుతమైన విజయాన్ని ఇండియా వ్యాప్తంగా అందుకుంది.
ఇకపోతే ఈ మూవీ లోని నటనకు గాను అల్లు అర్జున్ కు నేషనల్ అవార్డ్ కూడా దక్కింది. ఈ మూవీ మొదటి భాగం సూపర్ సక్సెస్ కావడంతో ఈ సినిమా రెండవ భాగం పై ప్రేక్షకులు భారీ అంచనాలు పెట్టుకున్నారు. ఇలా భారీ అంచనాలు కలిగి ఉన్న ఈ సినిమా యొక్క షూటింగ్ ను ప్రస్తుతం ఈ మూవీ బృందం ఫుల్ స్పీడ్ గా పూర్తి చేస్తూ వస్తుంది. ఈ సినిమాను ఈ సంవత్సరం ఆగస్టు 15 వ తేదీన విడుదల చేయనున్నట్లు ఈ మూవీ మేకర్స్ ఇప్పటికే అధికారికంగా ప్రకటించారు.
ఈ సినిమా విడుదల తేదీ దగ్గర పడుతున్న ఇప్పటి వరకు ఈ మూవీ నుండి ఒక్క పాటను కూడా ఈ చిత్ర బృందం విడుదల చేయలేదు. ఇక ప్రస్తుతం అందుతున్న సమాచారం ప్రకారం ఈ సంవత్సరం ఏప్రిల్ 8 వ తేదీన అల్లు అర్జున్ పుట్టిన రోజు సందర్భంగా ఈ మూవీ లోని మొదటి పాటను ఈ మూవీ యూనిట్ విడుదల చేసే అవకాశం ఉన్నట్లు ఓ వార్త సోషల్ మీడియాలో తెగ వైరల్ అవుతుంది. మరి ఈ మూవీ యూనిట్ ఈ సంవత్సరం అల్లు అర్జున్ పుట్టిన రోజు సందర్భంగా ఈ సినిమా నుండి మొదటి పాటను విడుదల చేస్తుందో లేదో తెలియాలి అంటే మరి కొన్ని రోజులు వేచి చూడాల్సిందే.