తండ్రి చెప్పిన వినకుండా సీరియల్ నటుడిని పెళ్లి చేసుకుంది.. కానీ చివరికి?
ఇక్కడ ఒక బుల్లితెర నటుడుకి సంబంధించిన వార్త వైరల్ గా మారిపోయింది. ఏకంగా ఒక యువతి బుల్లితెర నటుడిని ప్రేమించింది. పెళ్లి చేసుకోవాలని అనుకుంది. అయితే కుటుంబ సభ్యులు ఒప్పుకోకపోయినా తండ్రిని ఎదిరించి మరి అతన్ని పెళ్లి చేసుకుంది. కానీ చివరికి ఇప్పుడు అతనికి విడాకులు ఇచ్చేందుకు సిద్ధమైంది. కోలీవుడ్ బుల్లితెర నటుడు మునిష్ రాజాను ప్రేమ పెళ్లి చేసుకుని విడిపోయినట్లు జీనత్ ప్రియ అనే యువతి ఇటీవల వెల్లడించింది. ఇకపోతే తన విడాకుల ప్రకటనకు సంబంధించిన వీడియో ని ఇటీవల సోషల్ మీడియాలో పోస్ట్ చేసింది జీనత్ ప్రియ.
నా పేరు జీనత్ ప్రియ. నేను రాజ్ కిరణ్ సార్ దత్తపుత్రికను. 2022లో నటుడు మనిషి రాజాను ప్రేమించి పెళ్లి చేసుకున్నారు. కానీ ప్రస్తుతం మేమిద్దరం విడిపోయాము. మేం విడిపోయి కూడా కొన్ని నెలలు అయింది. మా పెళ్లికి ఎలాంటి చట్టబద్ధత లేదు. ఈ విషయాన్ని నేను మీతో పంచుకుంటున్నాను. నా పెళ్లి కారణంగా నాన్న చాలా బాధపడ్డారు. నేను కష్టాల్లో ఉన్నప్పుడు నాకు అండగా నిలిచారు. నాకు సహాయం చేశారు. ఈ విషయంలో నన్ను క్షమించు నాన్న అని ఆ వీడియోలో చెప్పుకొచ్చింది జీనత్ ప్రియ. అయితే సోషల్ మీడియా వేదికగా జీనత్ ప్రియ, మునిష్ రాజాలకు పరిచయం ఏర్పడింది. పరిచయం ప్రేమగా మారి చివరికి పెళ్లి వరకు వెళ్ళింది. కానీ కొన్ని రోజులకే పెళ్లి పెటాకులుగా మారిపోయింది.