എൻ്റെ ഹാർട്ട് ത്രോബ് ഡപ്പ് എന്നങ്ങ് നിന്നു പോയി; മമ്മൂട്ടിയെക്കുറിച്ച് ഒരു വൈറൽ കുറിപ്പ്!
എൻ്റെ ഹാർട്ട് ത്രോബ് ഡപ്പ് എന്നങ്ങ് നിന്നു പോയി; മമ്മൂട്ടിയെക്കുറിച്ച് ഒരു വൈറൽ കുറിപ്പ്! മമ്മൂട്ടി , മോഹൻലാൽ തുടങ്ങിയവരും കുടുംബസമേതം പങ്കെടുത്തിരുന്നു. ഇവിടെ നിന്നുള്ള ചിത്രങ്ങളാണ് വൈറലായി മാറുന്നത്. മോഹൻലാലിന് കൈകൊടുക്കുന്ന പ്രധാനമന്ത്രിയെ കൈകെട്ടി നോക്കി നിൽക്കുന്ന മമ്മൂട്ടിയുടെ ചിത്രം സോഷ്യൽ മീഡിയയിൽ ട്രെൻഡിംഗ് ആയിട്ടുണ്ട്. മമ്മൂട്ടിയെ കുറിച്ചുള്ള ഒരു സോഷ്യൽ മീഡിയ പോസ്റ്റ് ആണ് ഇപ്പോൾ വൈറൽ ആവുന്നത്. രേണു രാമനാഥ് എന്ന മാധ്യമപ്രവർത്തക എഴുതിയ കുറിപ്പാണ് വൈറൽ ആവുന്നത്. സുരേഷ് ഗോപിയുടെ മകളുടെ വിവാഹ ചടങ്ങുകളെക്കാൾ സോഷ്യൽ മീഡിയയിൽ വൈറൽ ആയത് നടൻ മമ്മൂട്ടിയുടെ ദൃശ്യങ്ങൾ ആയിരുന്നു. ഭാഗ്യ സുരേഷിന്റെ താലികെട്ട് ചടങ്ങിൽ പ്രധാനമന്ത്രിയും പ്രമുഖ താരങ്ങളും ഗുരുവായൂരിൽ എത്തിയിരുന്നു. "പണ്ടു പണ്ടാണു സംഭവം. എന്ന്വച്ചാൽ, അമൃതാനന്ദമയിയുടെ അമ്പതാം പെറന്നാളോ മറ്റോ നടക്കുന്ന സമയം.
കൊച്ചി ഇൻ്റർനാഷണൽ സ്റ്റേഡിയത്തിൽ വൻ മാമാങ്കം. പ്രസിഡണ്ട് അബുൾ കലാമാണു മുഖ്യാതിഥി. പിന്നെ ജാക്കി ഷ്രോഫ്, മമ്മൂട്ടി ഒക്കെണ്ട്. സ്റ്റേഡിയം മൊത്തം ആർ എസ് എസിൻ്റെ സുരക്ഷാവലയത്തിലാണു. പാവപ്പെട്ട പോലീസുകാർ, പോലീസുകാർക്ക് ഈ വീട്ടീലെന്താ കാര്യം എന്ന മട്ടിൽ പരുങ്ങി നടപ്പുണ്ട്. ഞങ്ങാ പാവപ്പെട്ട പത്രപ്രവർത്തകർ, പരുങ്ങി നിൽക്കണ പോലീസുകാരുടെ സഹായത്തോടെ അകത്ത് കയറിപ്പറ്റി, കാക്കക്കിരിക്കാൻ തണലില്ലാത്തേടത്ത്, മൂന്നു മണി മുതൽ അഞ്ചു മണി വരെ നട്ടപ്പറ വെയിലും കൊണ്ട് കാത്തിരിക്കുകയാണു. അങ്ങനെ പരിപാടി തൊടങ്ങി. അമൃതാനന്ദമയി ഇങ്ങനെ എഴുന്നള്ളി വന്ന് വേദിയെ അലങ്കരിച്ചു. ബാക്കിയുള്ള മാന്യമഹാജനങ്ങളെല്ലാം എത്തി, ഭയങ്കര ബഹുമാനത്തോടെയാണു ഇരിക്കുന്നത് തന്നെ. അപ്പോ മമ്മുക്ക കേറിവന്നു. കാലുമ്മെ കാലും കേറ്റി ഓഡിയൻസിനെ നോക്കി ഒരു ചിരീം ഫിറ്റ് ചെയ്ത് അങ്ങനെ ഒരിരുപ്പ് ഇരുന്നു.
ആയിടക്ക് മൂപ്പരടെ ഏതോ ഹിറ്റ് സിലിമ റിലീസ് ചെയ്ത സമയാണു. അത് കാണാത്തോർ ആരൊക്കെയുണ്ടടാ ഇവടെ എന്ന മട്ടിലാ ഇരിപ്പ്. പിന്നെ, ആദരിക്കൽ ആയി. വി വി ഐ പിമാർ ഓരോരുത്തരായി എണീറ്റ് ചെല്ലുന്നു. അമ്മ വിശാലമായി ആലിംഗനം ചെയ്യുന്നു. വി വി ഐപിമാർ ഭക്തിപുരസ്സരം ആലിംഗനത്തിൽ അമരുന്നു. ജാക്കി ഷ്രോഫ് ഒക്കെ അമ്മയുടെ കരങ്ങളിൽ പുളകിതനായി, കാൽക്കൽ വീഴുന്നതു കണ്ടപ്പോ, അന്നുവരെയുള്ള ജാക്കി ഷ്രോഫിനു വേണ്ടി തുടിച്ചിരുന്ന എൻ്റെ ഹാർട്ട് ത്രോബ് ഡപ്പ് എന്നങ്ങ് നിന്നു പോയി !
പിന്നെ കാണണത്, മമ്മുക്ക എണീക്കുന്നു.
പിന്നെ കാണണത്, മമ്മുക്ക എണീക്കുന്നു.
അമ്മയുടെ നേരെ നീങ്ങുന്നു. അമ്മ കൈകൾ വിരിക്കുന്നു. മമ്മുക്ക സ്ഥിരം പൂപ്പുഞ്ചിരിയോടെ, ഒരടി പുറകോട്ട് നീങ്ങുന്നു. കൈകൾ കൂപ്പി വിശാലമായൊരു തൊഴീൽ പാസാക്കുനു, പാതി അമൃതാനന്ദമയിയുടെ നേരെയും പാതി ഓഡിയൻസിൻ്റെ നേരെയും. സ്തംഭിച്ചു നിൽക്കുന്ന അമ്മ ഫ്രീസ് ചെയ്ത കൈകൾ താഴ്ത്തുന്നു. മമ്മുക്ക കൂളായി സീറ്റിൽ പോയിരിക്കുന്നു.
സംഭവം ഇത്രേള്ളു. മമ്മുക്കക്ക് തുല്യം മമ്മുക്ക മാത്രം. അപ്പറത്ത് അമൃതാനന്ദമയി ആയാലും കൊള്ളാം, ,മോദി ആയാലും കൊള്ളാം. വേണേൽ മോദീടെ പൊത്തകം പ്രകാശനം ചെയ്ത് ഏറ്റുവാങ്ങുകയൊക്കെ ചെയ്യും. ബട്ട്, മമ്മുക്ക ഈസ് ആൾവേസ് ദി സെൻ്റർ ഓഫ് അറ്റൻഷൻ ! അത് വിട്ടൊരു കളീല്യ. അത്രന്നെ!"
സംഭവം ഇത്രേള്ളു. മമ്മുക്കക്ക് തുല്യം മമ്മുക്ക മാത്രം. അപ്പറത്ത് അമൃതാനന്ദമയി ആയാലും കൊള്ളാം, ,മോദി ആയാലും കൊള്ളാം. വേണേൽ മോദീടെ പൊത്തകം പ്രകാശനം ചെയ്ത് ഏറ്റുവാങ്ങുകയൊക്കെ ചെയ്യും. ബട്ട്, മമ്മുക്ക ഈസ് ആൾവേസ് ദി സെൻ്റർ ഓഫ് അറ്റൻഷൻ ! അത് വിട്ടൊരു കളീല്യ. അത്രന്നെ!"