రవితేజ నెక్స్ట్ మూవీలో హీరోయిన్ గా ఆ క్రేజీ బ్యూటీ ఫిక్స్..!
టాలీవుడ్ ఇండస్ట్రీ లో సూపర్ క్రేజ్ కలిగిన హీరోలలో ఒకరు అయినటువంటి రవితేజ తాజాగా టైగర్ నాగేశ్వరరావు అనే మూవీ తో ప్రేక్షకులను పలకరించాడు. భారీ అంచనాల నడుమ పాన్ ఇండియా మూవీ గా విడుదల అయిన ఈ సినిమా ప్రేక్షకులను అదిరిపోయే రేంజ్ లో అలరించలేకపోయింది. దానితో ఈ మూవీ యావరేజ్ విజయాన్ని బాక్స్ ఆఫీస్ దగ్గర సొంతం చేసుకుంది. ఇకపోతే ప్రస్తుతం రవితేజ "ఈగల్" అనే సినిమాలో హీరోగా నటిస్తున్నాడు. ఈ మూవీ ని వచ్చే సంవత్సరం సంక్రాంతి కానుకగా జనవరి 13 వ తేదీన విడుదల చేయనున్నారు.
అనుపమ పరమేశ్వరన్ ఈ సినిమాలో హీరోయిన్ గా నటిస్తూ ఉండగా ... కార్తీక్ ఘట్టమనేని ఈ సినిమాకు దర్శకత్వం వహిస్తున్నాడు. ఇది ఇలా ఉంటే ఈ మూవీ తర్వాత రవితేజ ... గోపీచంద్ మలినేని దర్శకత్వంలో రూపొందబోయే సినిమాలో హీరోగా నటించబోతున్నాడు. ఈ మూవీ కి సంబంధించిన అధికారిక ప్రకటన కూడా ఇప్పటికే వెలువడింది. ఈ సినిమాను మైత్రి సంస్థ వారు నిర్మించబోతున్నారు. ఇకపోతే ఈ సినిమాకు సంబంధించిన అనేక వివరాలను ఇప్పటికే ఈ చిత్ర బృందం విడుదల చేసినప్పటికీ ఈ సినిమాలో రవితేజ పక్కన హీరోయిన్ గా నటించబోయే ముద్దుగుమ్మకు సంబంధించిన అధికారిక ప్రకటనను మాత్రం ఈ మూవీ మేకర్స్ ప్రకటించలేదు. ఇకపోతే రవితేజ ఆఖరుగా నటించిన చాలా సినిమాలలో కూడా మీడియం రేంజ్ హీరోయిన్ లతో ... చిన్న హీరోయిన్ లతో మాత్రమే నటిస్తూ వస్తున్నాడు. దానితో ఈ సినిమాలో రవితేజ పక్కన స్టార్ హీరోయిన్ ని తీసుకోవాలి అనే ఆలోచనలో మూవీ మేకర్స్ ఉన్నట్లు అందులో భాగంగా ఓ స్టార్ హీరోయిన్ కోసం వెతుకులాటలో ఈ చిత్ర బృందం ఉన్నట్లు వార్తలు వచ్చాయి.
ఇకపోతే తాజాగా ఈ మూవీ బృందం ప్రియాంక అరుల్ మోహన్ ను ఈ సినిమాలో హీరోయిన్ గా కన్ఫామ్ చేసినట్లు అందుకు సంబంధించిన అధికారిక ప్రకటనను కూడా మరికొన్ని రోజుల్లోనే ఈ మూవీ బృందం విడుదల చేయబోతున్నట్లు తెలుస్తోంది. ఇకపోతే ప్రస్తుతం ఈ బ్యూటీ పవన్ కళ్యాణ్ హీరోగా సుజిత్ దర్శకత్వంలో రూపొందుతున్న "ఓజి" అనే మూవీ లో హీరోయిన్ గా నటిస్తోంది.