కోలీవుడ్ స్టార్ హీరో అజిత్ ఇంటిని కూల్చిన తమిళనాడు ప్రభుత్వం....!!
అజిత్ సినిమా విడుదల అవుతుంది అంటే తమిళనాడు మొత్తం పండుగ వాతావరణం నెలకొంటుంది. అలాంటి ఫ్యాన్ ఫాలోయింగ్ ఉన్న అజిత్ ఇంటి పై నేడు అధికారులు దాడులు జరిపారు. విషయం లోకి వెళ్తే అజిత్ నివసిస్తున్న ఇంటి పరిసరాల్లో రోడ్డు విస్తరణ తో పాటుగా వర్షపు నీరు చేరడానికి ఒక డ్రైనేజి ని కట్టించడానికి ప్రయత్నిస్తున్నారు. ఇందులో భాగంగా ఆ ప్రాంతం లో ఉన్న 50 ఇళ్లను అధికారులు కూల్చేశారు.ఆ పరిధిలో అజిత్ ఇల్లు కూడా ఉన్నందున ఆయన ఇంటిని కూడా కూల్చేశారు. కానీ ఇల్లు మొత్తాన్ని కాదు, ఇంటి చుట్టూ విస్తరించిన అతి పెద్ద ప్రహరీ గోడని కూల్చేశారు. ఈ విషయం తెలుసుకున్న వెంటనే అభిమానులు ఒక్కసారిగా కంగుతిన్నారు.అజిత్ ఇంటిని కూల్చేస్తున్నారు అంటూ వార్తలు రావడం తో వందలాది సంఖ్యలో అభిమానులు అజిత్ ఉంటున్న ఇంటిని ముట్టడించారు. ఆ తర్వాత కేవలం ప్రహరీ గోడని మాత్రమే కూల్చారు అనే విషయం తెలుసుకొని అక్కడి నుండి వెళ్లిపోయారు.ఇక అజిత్ సినిమాల విషయానికి వస్తే ఈ ఏడాది ప్రారంభం లో ఆయన 'తూనీవు' చిత్రం తో మన ముందుకు వచ్చిన సంగతి అందరికీ తెలిసిందే. ఈ సినిమా తర్వాత ఆయన 'విదాముయార్చి' అనే చిత్రం చేస్తున్నాడు. ఈ సినిమాకి తిరుమేని దర్శకత్వం వహిస్తున్నాడు. వచ్చే నెల నుండి రెగ్యులర్ షూటింగ్ ప్రారంభం కానుంది.