తమిళ హీరో విజయ్ హీరోగా లోకేష్ కనగరాజ్ దర్శకత్వంలో తెరకెక్కి ప్రేక్షకుల ముందుకి వచ్చిన సినిమా లియో. భారీ బడ్జెట్ తో పాన్ ఇండియా ప్రాజెక్ట్ గా హైఎక్స్ పెక్టేషన్స్ తో రిలీజ్ అయిన ఈ సినిమా బాక్స్ ఆఫీస్ వద్ద అట్టర్ ప్లాప్ గా నిలిచింది.లోకేష్ కనగరాజ్ సినిమా అంటే ఏదో ఉంటుందని వెళ్ళిన ప్రేక్షకులని పూర్తిగా ఈ లియో మూవీ నిరాశపరిచింది.ఈ సినిమాలో యాక్షన్ సీక్వెన్స్ తప్ప బలమైన కథ, కథనం లేకపోవడంతో అట్టర్ ప్లాప్ టాక్ వచ్చింది. ఇక అన్ని భాషలలో ఫ్లాప్ అయినట్లే కనిపిస్తోంది.సొంత రాష్ట్రం తమిళనాడులో కూడా ఈ సినిమా ఇప్పటిదాకా కేవలం 50 కోట్లు మాత్రమే వసూలు చేసింది. ఈ సినిమాలో పార్తివన్ లియో అని చూపించే ఫ్లాష్ బ్యాక్ ఎపిసోడ్ అయితే మరీ చెత్తగా ఉంది. ఈ లియో సినిమా గురించి మొదట్లో ఇచ్చిన బిల్డప్ చూసిన ఆడియన్స్ ఇంటరెస్టింగ్ ఫ్లాష్ బ్యాక్ ఎక్స్ పెక్ట్ చేశారు. అయితే దానికి విరుద్ధంగా ఏ మాత్రం ప్రభావం చూపించని చెత్త ఫ్లాష్ బ్యాక్ ఎపిసోడ్ ని లోకేష్ కనగరాజ్ డిజైన్ చేశారు. పైగా దాంట్లో నరబలి అనే తుప్పాస్ కాన్సెప్ట్ పెట్టడం ఎవ్వరికి రుచించలేదు. లియో దాస్ గా విజయ్ ని అంత పవర్ ఫుల్ గా చూపించలేకపోయాడు. ఏదో అలా నడిచిపోతుంది బలమైన సీక్వెన్స్ లోకేష్ సరిగ్గా డిజైన్ చేయలేదు.
ఈ ఫ్లాష్ బ్యాక్ ఎపిసోడ్ అబద్దమై ఉండొచ్చు కదా అనే మాటని లియో సినిమాటోగ్రాఫర్ మనోజ్ పరమహంస ఓ ఇంటర్వ్యూలో చెప్పాడు. జైల్లో ఖైదిగా ఉన్న లియో స్నేహితుడు పోలీస్ ఆఫీసర్ గౌతమ్ మీనన్ కి అబద్ధం చెప్పి ఉండొచ్చు కదా అనే పాయింట్ ని రైజ్ చేశారు. గౌతమ్ మీనన్ విజయ్ ఫోటోని చూపించిన తర్వాత లియో దాస్ ఇతను ఒకరు కాదని చెప్పేసి ఆ ఖైదీ వెళ్ళిపోతాడు. దీంతో అక్కడే ఏదో విషయాన్ని దాస్తున్నాడు అనే డౌట్ ని క్రియేట్ చేస్తూ డైరెక్టర్ లోకేష్ కనగరాజ్ వదిలేసాడు.అయితే దానికి ముగింపు ఇచ్చే ప్రయత్నం మాత్రం చేయలేదు. అలా కొన్ని పాత్రలకి ఎండింగ్ ఇవ్వకుండా లియో కథలో ఇంకేదో ఉందనే డౌట్ ని కూడా డైరెక్టర్ రేకెత్తించాడు. అలా దాచి ఈ కళాఖండం సీక్వెల్ కోసం ఉంచామని చెప్పి లియో టీం నాటకాలు ఆడుతూ ఆడియన్స్ ని చీట్ చేస్తుంది.అందుకు తగ్గట్లే ఆడియన్స్ లియో మూవీని డిజాస్టర్ చేశారు. ఇదిలా ఉండగా అమెరికా లో జనాలు ఈ సినిమాని చూసి నవ్వుకుంటున్నారు. ఇదేమి పిచ్చి సినిమారా బాబు అని ఓ థియేటర్ లో పగలబడి నవ్వుకుంటున్నారు ఆడియన్స్. ప్రస్తుతం ఈ వీడియో సోషల్ మీడియాలో బాగా వైరల్ అవుతుంది.