లియో: రిలీజ్ కి నెలముందే భారీగా ఏర్పాట్లు?
తమిళ స్టార్ స్టార్ హీరో దళపతి విజయ్ నటిస్తున్న లేటెస్ట్ మూవీ లియో.. ఈ సినిమాను తమిళ స్టార్ డైరెక్టర్ లోకేష్ కనగరాజ్ తెరకెక్కిస్తున్నారు.. ఇప్పుడు ఈ సినిమా వరుస పోస్టర్లతో నెట్టింటా దుమ్ము రేపుతోంది.విడుదలకు ముందు ప్రమోషన్లలో భాగంగా మేకర్స్ ఇలా పోస్టర్లను రిలీజ్ చేస్తున్నారు.తాజాగా బుధవారం నాడు (సెప్టెంబర్ 20) లియో మేకర్స్ మరో కొత్త పోస్టర్ ను విడుదల చేశారు. ఇందులో హీరో విజయ్ చాలా ఇంటెన్స్ లుక్ లో కనిపిస్తున్నాడు.”కామ్ గా ఉండండి.. యుద్ధానికి సిద్ధం కండి” అనే క్యాప్షన్ తో ఉన్న ఈ పోస్టర్ లియో మూవీపై ఆసక్తిని బాగా పెంచేసింది. ఈ పోస్టర్ లో విజయ్ తన ఆయుధాన్ని సానబెడుతుంటే నిప్పు రవ్వలు ఎగిసిపడుతున్నాయి..విజయ్ కొత్త అవతార్ అభిమానులను చాలా బాగా ఆకట్టుకుంది.. విజయ్ లుక్ ఇంకా పోస్టర్ పై ఉన్న క్యాప్షన్ ఆధారంగా మూవీ స్టోరీపై ఫ్యాన్స్ చాలా భారీగా ఉహించుకుంటున్నారు.ఇంకా అంతేకాదు ఈ సినిమా ఆడియో లాంచ్ సెప్టెంబర్ 30 వ తేదీన చెన్నైలో జరగబోతున్నట్లు వార్తలు వస్తున్నాయి.
పాన్ ఇండియా స్థాయిలో లియో సినిమా విడుదల అవుతుండటంతో త్వరలోనే దేశవ్యాప్తంగా ప్రమోషన్లను కూడా మొదలుపెట్టాలని లియో మేకర్స్ ప్లాన్ చేస్తున్నారు. ఈ సినిమాను తెలుగు రాష్ట్రాల్లో సితార ఎంటర్టైన్మెంట్స్ చాలా గ్రాండ్ గా విడుదల చేస్తోంది. లియో సినిమాను సెవెన్ స్క్రీన్ స్టూడియో బ్యానర్ లో ఎస్ఎస్ లలిత్ కుమార్ ప్రొడ్యూస్ చేస్తున్నాడు.రీసెంట్ గా లియో మూవీ నుంచి తెలుగు పోస్టర్ కూడా రిలీజ్ అయిన సంగతి తెలిసిందే. ఈ పోస్టర్ ను విజయ్ తన ఇన్స్టాగ్రామ్ లో పోస్ట్ చేయగా.. కేవలం 32 నిమిషాల్లోనే మిలియన్ లైక్స్ రాబట్టి పుష్ప 2 పోస్టర్ రికార్డును కూడా బ్రేక్ చేసింది.గతేడాది లోకేష్ డైరెక్షన్ లో వచ్చిన విక్రమ్ సినిమా బ్లాక్ బస్టర్ హిట్ కావడంతో ఈ లియోపై అంచనాలు మరింత పెరిగాయి. లియో సినిమాని ఏకంగా ఇండియాలోని మొత్తం 26 ఐమాక్స్ స్క్రీన్స్ లో విడుదల చేస్తున్నట్లు సమాచారం తెలుస్తుంది.ఈ మూవీ అక్టోబర్ 19న గ్రాండ్ గా రిలీజ్ కాబోతోంది.