"లియో" మూవీ ఫస్ట్ సింగిల్ కు ఇప్పటికే ఏకంగా అన్ని వ్యూస్..!
తమిళ స్టార్ హీరోలలో ఒకరు అయినటువంటి దళపతి విజయ్ ఆఖరుగా వంశీ పైడిపల్లి దర్శకత్వంలో దిల్ రాజు బ్యానర్ లో రూపొందిన వారిసు అనే తమిళ సినిమాలో హీరోగా నటించిన విషయం మనకు తెలిసిందే. రష్మిక మందన హీరోయిన్ గా నటించిన ఈ మూవీ కి తమన్ సంగీతం అందించాడు. ఈ మూవీ తెలుగులో వారసుడు పేరుతో విడుదల అయింది. ఈ మూవీ బాక్స్ ఆఫీస్ దగ్గర మంచి విజయం సాధించింది. ఇది ఇలా ఉంటే ప్రస్తుతం ఈ నటుడు లియో అనే సినిమాలో హీరోగా నటిస్తున్నాడు.
త్రిష ఈ మూవీ లో హీరోయిన్ గా నటిస్తూ ఉండగా ... లోకేష్ కనకరాజు ఈ సినిమాకు దర్శకత్వం వహిస్తున్నాడు. అనిరుద్ రవిచంద్రన్ ఈ మూవీ కి సంగీతం అందిస్తున్నాడు. ఈ సినిమాను ఈ సంవత్సరం అక్టోబర్ 20 వ తేదీన తెలుగు , తమిళ , కన్నడ , మలయాళం , హిందీ భాషలలో భారీ ఎత్తున విడుదల చేయనున్నారు. ఈ మూవీ బృందం కొన్ని రోజుల క్రితమే ఈ సినిమా నుండి "నా రెడీ" అంటూ సాగే మొదటి పాటను విడుదల చేసింది. ఈ పాటకు ప్రేక్షకుల నుండి సూపర్ సాలిడ్ రెస్పాన్స్ లభిస్తుంది. ఈ పాట విడుదల అయిన 5 రోజుల్లోనే 33 మిలియన్ వ్యూస్ ను ... 1.9 మిలియన్ లైక్స్ ను సాధించి ప్రేక్షకుల నుండి సూపర్ సాలిడ్ రెస్పాన్స్ ను తెచ్చుకుంది. ఇది ఇలా ఉంటే ఈ మూవీ పై ప్రేక్షకుల్లో భారీ అంచనాలు నెలకొని ఉన్నాయి.
దానితో ఈ మూవీ కి అదిరిపోయే రేంజ్ బిజినెస్ జరుగుతున్నట్లు తెలుస్తోంది. ఈ మూవీ కి రెండు తెలుగు రాష్ట్రాల నుండి కూడా అదిరిపోయే రేంజ్ బిజినెస్ ఆఫర్లు వస్తున్నట్లు తెలుస్తోంది. ఇది ఇలా ఉంటే ఇది వరకు విజయ్ ... లోకేష్ కాంబినేషన్ లో మాస్టర్ మూవీ రూపొంది మంచి విజయం సాధించింది. ఈ సినిమా తెలుగు బాక్స్ ఆఫీస్ దగ్గర కూడా మంచి విజయం సాధించింది.