നടൻ വിജയിയുടെ പ്രതിഫലം 150 കോടി; തെന്നിന്ത്യയിൽ ഏറ്റവും കൂടുതൽ പ്രതിഫലം വാങ്ങുന്ന താരമായി ദളപതി!

Divya John
 നടൻ വിജയിയുടെ  പ്രതിഫലം 150 കോടി; തെന്നിന്ത്യയിൽ ഏറ്റവും കൂടുതൽ പ്രതിഫലം വാങ്ങുന്ന താരമായി ദളപതി! സൗത്തിന്ത്യയിൽ വളരെ ആരാധകരുള്ള താരം ഇപ്പോൾ പ്രതിഫലത്തിൻ്റെ കാര്യത്തിൽ തമിഴ്, തെലുങ്കിലെ മറ്റു സൂപ്പർ താരങ്ങളെവരെ മറികടന്നിരിക്കുകയാണ്. ലിയോയ്ക്കു ശേഷം തമിഴ് താരം വിജയ് നായകനാകുന്ന പുതിയ സിനിമ സംബന്ധിച്ചുള്ള വിവരങ്ങൾ പുറത്തുവന്നതിനു പിന്നാലെ സോഷ്യൽ മീഡിയയിൽ ചർച്ചയായി താരത്തിൻ്റെ പ്രതിഫലത്തെ സംബന്ധിച്ചുള്ള വാർത്തകൾ. താൻ ഒരു പുതിയ തിരക്കഥയുടെ ജോലികളിലാണെന്നും അത് വിജയ്‍യ്‍ക്ക് ഇഷ്‍ടമാകുമെന്ന് പ്രതീക്ഷിക്കുന്നതായും നേരത്തെ ഒരു അഭിമുഖത്തിൽ സംവിധായകൻ വെങ്കട് പ്രഭു പറഞ്ഞത് സാമൂഹ്യ മാധ്യമങ്ങളിൽ ചർച്ചയായിരുന്നു. സിനിമയെക്കുറിച്ച് ഔദ്യോഗിക സ്ഥിരീകിരണം പുറത്തുവന്നില്ലെങ്കിലും വിജയുടെ അടുത്തത് വെങ്കട് പ്രഭുവിൻ്റെ സിനിമയെന്നത് ഏകദേശം ഉറപ്പായി കഴിഞ്ഞു.



ഇതിനു പിന്നാലെയാണ് ചിത്രത്തിലെ വിജയുടെ പ്രതിഫലം കോളിവുഡിൽ നിന്നുള്ള പുതിയ റിപ്പോർട്ടുകൾ പ്രകാരം വിജയുടെ പുതിയ ചിത്രം സംവിധാനം ചെയ്യുന്നത് ഹിറ്റ് മേക്കർ വെങ്കട് പ്രഭുവാണ്.വിജയ്‌യുടെ പുതിയ ചിത്രത്തിൻ്റെ പ്രതിഫലം കേട്ട് തമിഴ് സിനിമാ ലോകം തന്നെ അല്പം ഞെട്ടലിലാണ്. 150 കോടിയാണ് വെങ്കട് പ്രഭു സംവിധാനം ചെയ്യുന്ന പുതിയ ചിത്രത്തിനായി വിജയ് വാങ്ങുന്ന പ്രതിഫലം എന്നാണ് റിപ്പോർട്ട്. ഇതോടെ സൗത്ത് ഇന്ത്യയിൽ ഏറ്റവും കൂടുതൽ പ്രതിഫലം വാങ്ങുന്ന നടനായി മാറിയിരിക്കുകയാണ് വിജയ്. വിജയ് നായകനായി എത്തി വലിയ വിജയം നേടിയ ബിഗിൽ നിർമ്മിച്ച എജിഎസ് എൻ്റർടെയ്മെൻ്റാണ് പുതിയ ചിത്രവും നിർമിക്കുന്നത്.



തിയറ്റർ കളക്ഷനുമപ്പുറം നോൺ തിയേറ്റർ റൈറ്റുകളിലൂടെ വിജയ് നായകനാകുന്ന സിനിമകൾ വലിയ ലാഭം ഉറപ്പാക്കുന്നതിനാലാണ് ഇത്രയും വലിയ പ്രതിഫലം വിജയ്ക്കു ലഭിക്കാൻ കാരണമെന്നാണ് തമിഴ് സിനിമാ വൃത്തങ്ങൾ പറയുന്നത്. വിജയ് ഇപ്പോൾ ലോകേഷ് കനകരാജ് സംവിധാനം ചെയ്യുന്ന ലിയോയിൽ അഭിനയിക്കുകയാണ്. കമൽഹാസൻ, ഫഹദ് ഫാസിൽ, വിജയ് സേതുപതി എന്നിവർ പ്രധാന കഥാപാത്രങ്ങളായ വിക്രത്തിൻ്റെ വലിയ വിജയത്തിനു ശേഷം ലോകേഷ് കനകരാജ് സംവിധാനം ചെയ്യുന്ന ചിത്രമാണ് ലിയോ. 



മാസ്റ്ററിനു ശേഷം വിജയ് വീണ്ടും ലോകേഷിനൊപ്പം പ്രവർത്തിക്കുന്ന ചിത്രത്തിൽ തൃഷയാണ് നായികയാകുന്നത്. ബോളിവുഡ് താരം സഞ്‍ജയ് ദത്ത്, ഗൗതം വാസുദേവ് മേനോൻ, അർജുൻ, മാത്യു തോമസ്, മിഷ്‍കിൻ, പ്രിയ ആനന്ദ്, ബാബു ആൻ്റണി എന്നിവരും ലിയോയിൽ പ്രധാന കഥാപാത്രങ്ങളായി വേഷമിടുന്നുണ്ട്. വലിയ വിജയം നേടിയ മാന്നാട്, തെലുങ്ക് ചിത്രം കസ്റ്റഡി എന്നീ ചിത്രങ്ങൾക്കു ശേഷം വെങ്കട് പ്രഭു ഒരുക്കുന്ന വിജയ് ചിത്രം സയൻസ് ഫിക്ഷൻ ആക്ഷൻ ജോണറിലുള്ളതെന്നാണ് പ്രഥമിക വിവരം പുറത്തുവരുന്നത്.

Find Out More:

Related Articles: