బాలయ్య మూవీలో ఒక్క పాట కోసం ఏకంగా అన్ని కోట్లు..?
నందమూరి నటసింహం బాలకృష్ణ ప్రస్తుతం తన కెరీర్ లో 108 వ మూవీ గా రూపొందుతున్న సినిమాలో హీరో గా నటిస్తున్న విషయం మన అందరికీ తెలిసిందే. ఈ మూవీ కి పటాస్ సినిమాతో దర్శకుడుగా కెరియర్ ను మొదలు పెట్టి ఆ తర్వాత సుప్రీమ్ ... రాజా ది గ్రేట్ ... ఎఫ్ 2 ... సరలేను నీకెవ్వరు ... ఎఫ్ 3 వంటి మూవీ లకు దర్శకత్వం వహించి తెలుగు సినిమా ఇండస్ట్రీలో దర్శకుడుగా సూపర్ క్రేజ్ ను సంపాదించుకున్నటు వంటి అనిల్ రావిపూడి దర్శకత్వం వహిస్తున్నాడు.
ఈ మూవీ లో బాలయ్య సరసన మోస్ట్ బ్యూటిఫుల్ నటి కాజల్ అగర్వాల్ హీరోయిన్ గా నటిస్తూ ఉండగా ... ప్రస్తుతం తెలుగు సినిమా ఇండస్ట్రీలో వరుస అవకాశాలను దక్కించుకుంటూ ఫుల్ జోష్ లో కెరీర్ ను ముందుకు సాగిస్తున్న శ్రీ లీల ఈ సినిమాలో ఒక కీలకమైన పాత్రలో కనిపించబోతుంది. తమన్ ఈ మూవీ కి సంగీతం అందిస్తున్నాడు. ఇది ఇలా ఉంటే ఈ మూవీ షూటింగ్ చాలా రోజుల క్రితమే ప్రారంభం అయ్యింది.
ఇప్పటికే ఈ మూవీ కి సంబంధించిన చాలా భాగం షూటింగ్ కూడా పూర్తి అయింది. ఈ మూవీ ని ఈ సంవత్సరం దసరా పండుగ సందర్భంగా విడుదల చేయనున్నట్లు ఈ మూవీ యూనిట్ కొన్ని రోజుల క్రితమే అధికారికంగా ప్రకటించింది. ఇది ఇలా ఉంటే తాజాగా ఈ మూవీ కి సంబంధించిన ఒక న్యూస్ బయటకు వచ్చింది. తాజాగా ఈ మూవీ యూనిట్ గణేశుడిపై సాగే పాట కోసం రామోజీ ఫిల్మ్సిటీలో ఓ భారీ సెట్ను సిద్ధం చేసినట్లు తెలుస్తోంది. ప్రస్తుతం ఈ సెట్ లోనే బాలయ్య ... శ్రీ లీల పై ఎంతో గ్రాండ్ గా ఈ పాటను చిత్రీకరిస్తున్నట్లు తెలుస్తుంది. ఈ సాంగ్ చిత్రీకరణకు ఏకంగా 5 కోట్లు ఖర్చు కాబోతున్నట్లు తెలుస్తోంది.