తలపతి విజయ్ "లియో" మూవీ లేటెస్ట్ షూటింగ్ అప్డేట్..!
తమిళ స్టార్ హీరోలలో ఒకరు అయినటువంటి తలపతి విజయ్ గురించి ప్రత్యేకంగా సినీ ప్రేమికులకు పరిచయం చేయాల్సిన అవసరం లేదు. విజయ్ ఆఖరుగా వారిసు అనే మూవీ లో హీరో గా నటించాడు. వంశీ పైడిపల్లి దర్శకత్వంలో రూపొందిన ఈ మూవీ లో నేషనల్ క్రష్ రష్మిక మందన హీరోయిన్ గా నటించగా ప్రముఖ నిర్మాత దిల్ రాజు ఈ మూవీ ని భారీ బడ్జెట్ తో నిర్మించాడు. ఈ మూవీ లో శ్రీకాంత్ ... విజయ్ కి సోదరుడి పాత్రలో నటించగా ... తమన్ ఈ మూవీ కి సంగీతం అందించాడు.
ఈ మూవీ భారీ అంచనాల నడుమ విడుదల అయ్యి మంచి విజయం అందుకుంది. ఈ మూవీ తెలుగు లో వారసుడు పేరుతో విడుదల అయింది. ఈ సినిమా తెలుగు ప్రేక్షకులను కూడా బాగానే అలరించింది. ఇది ఇలా ఉంటే ప్రస్తుతం విజయ్ "లియో" అనే భారీ యాక్షన్ ఎంటర్టైనర్ మూవీ లో హీరో గా నటిస్తున్నాడు. ఈ మూవీ కి తమిళ సినిమా ఇండస్ట్రీ లో మంచి గుర్తింపు కలిగిన దర్శకులలో ఒకరు అయినటు వంటి లోకేష్ కనకరాజు దర్శకత్వం వహిస్తూ ఉండగా ... ఈ సినిమాలో విజయ్ సరసన త్రిష హీరోయిన్ గా కనిపించబోతుంది.
ఇప్పటికే ఈ మూవీ షూటింగ్ చాలా వరకు పూర్తయింది. ఇది ఇలా ఉంటే తాజాగా ఈ మూవీ షూటింగ్ కు సంబంధించిన ఒక అప్డేట్ బయటకు వచ్చింది. ఈ మూవీ లేటెస్ట్ షెడ్యూల్ మార్చి 29 వ తేదీ నుండి చెన్నై లో ప్రారంభం కానున్నట్లు తెలుస్తోంది. అలాగే మరి కొన్ని రోజుల్లో ఈ మూవీ యూనిట్ హైదరాబాద్ లో కూడా కొన్ని సన్నివేశాలను చిత్రీకరించబోతున్నట్లు తెలుస్తోంది. ఇది ఇలా ఉంటే ఈ మూవీ ని అక్టోబర్ 29 వ తేదీన విడుదల చేయనున్నట్లు కొన్ని రోజుల క్రితమే ఈ మూవీ యూనిట్ అధికారికంగా ప్రకటించింది.