రష్యాలో లాండయ్యిన పుష్ప టీం.. ఇక తగ్గేదేలే?

Purushottham Vinay
ఈ ఏడాది భారీ బడ్జెట్  పాన్  ఇండియా బ్లాక్  బస్టర్ హిట్టుగా నిలిచిన 'ఆర్ఆర్ఆర్' సినిమా తరువాత ఎస్  ఎస్ రాజమౌళి ఆచరించిన పద్ధతినే, టాలీవుడ్ లెక్కల మాస్టర్ అయిన సుకుమార్ కూడా ఫాలో అవుతున్నాడు. ఇప్పటికే తమ మార్కెట్ ని టాలీవుడ్ నుంచి పాన్ ఇండియా లెవెల్ వరకు విస్తరించుకున్న ఈ ఇద్దరు డైరెక్టర్లు.తరువాత వచ్చే తమ తరువాతి ప్రాజెక్ట్ లు కోసం ఇంటర్నేషనల్ లెవెల్ లో మార్కెట్ ని క్రియేట్ చేసే పనిలో పడ్డారు వీరు.ఈ నేపథ్యంలోనే దర్శకుడు సుకుమార్ పుష్ప సినిమాని రష్యాలో అనువాదం చేసి విడుదలకు సిద్ధం చేశాడు. అనుకోని రీతిలో వచ్చిన పుష్ప-1 సినిమా క్రేజ్ ని 'పుష్ప-2' సినిమా కలిసొచ్చేలా మార్చుకుంటున్నాడు ఈ లెక్కల మాస్టర్. డిసెంబర్ 8 వ తేదీన రష్యాలో గ్రాండ్ గా విడుదలవుతున్న ఈ సినిమా ప్రీమియర్ షోలు డిసెంబర్ 1 ఇంకా అలాగే 3 తేదీల్లో వేయనున్నారు. దీంతో చిత్ర యూనిట్ నేడు రష్యా చేరుకోవడం జరిగింది.


ఇక ఈ సినిమా ప్రమోషన్స్ లో భాగంగా.. రష్యా మీడియా విలేకర్లతో సమావేశమవ్వడం జరిగింది. ఈ సమావేశంలో దర్శకుడు సుకుమార్, మ్యూజిక్ డైరెక్టర్ దేవిశ్రీప్రసాద్ ఇంకా అలాగే ఈ సినిమా హీరో హీరోయిన్లు అల్లు అర్జున్, రష్మిక మందాన పాల్గొన్నారు. ఇక యూరోప్ లో దాదాపు 175 పైగా ఇండియన్ సినిమాలను డిస్ట్రిబ్యూట్ చేసిన '4 సీజన్స్ క్రియేషన్స్' ఈ సినిమాను రిలీజ్ చేస్తుంది.పుష్ప సినిమా ప్రపంచవ్యాప్తంగా దాదాపు 300 కోట్ల వసూళ్లు సాధించి అల్లు అర్జున్ కెరీర్లో బిగ్గెస్ట్ హిట్టుగా నిలిచింది. ఈ సినిమా తెలుగులో యావరేజ్ గా ఆడినా హిందీలో మాత్రం 100 కోట్ల వసూళ్లు రాబట్టి సూపర్ డూపర్ హిట్  అయ్యింది. దీంతో సోషల్ మీడియాలో పుష్ప బాగా ఫేమస్ అయ్యింది. అలాగే ఈ సినిమాకి దేవి శ్రీ ప్రసాద్  మ్యూజిక్ ప్రాణం పోసిందనే చెప్పాలి.

మరింత సమాచారం తెలుసుకోండి:

సంబంధిత వార్తలు: