Rc -15 ఈసారైనా అలాంటివి జరగకుండా చూస్తారా..!!

Divya
రామ్ చరణ్ ఇండస్ట్రీ లోకి ఎంట్రీ ఇచ్చి ఇప్పటికి ఎన్నో సంవత్సరాలు కావస్తోంది. ఇక దాంతో రామ్ చరణ్ కు ఒక ప్రత్యేకమైన స్టార్ డమ్ సంపాదించుకున్నారని చెప్పవచ్చు. పాన్ ఇండియా హీరోగా కూడా పేరు సంపాదించారు రాంచరణ్. రామ్ చరణ్ ప్రస్తుతం డైరెక్టర్ శంకర్ దర్శకత్వంలో Rc -15 సినిమాలో నటిస్తూ ఉన్నారు.ఈ సినిమా కొన్ని కారణాల చేత షూటింగ్ వాయిదా పడుతూ వస్తోందంటూ వార్తలు వినిపిస్తూ ఉన్నాయి. ఇందులో అన్ని భాషలలో నటిస్తున్న కొంతమంది నటులు నటిస్తూ ఉండడంతో ఈ సినిమా కూడా స్థాయిలో విడుదల చేయాలని ప్లాన్ చేస్తున్నారు చిత్ర బృందం.


ప్రస్తుతం రామ్ చరణ్ జపాన్ నుంచి హైదరాబాద్కు తిరిగి రావడం జరిగింది.దీంతో తన నెక్స్ట్ ప్రాజెక్ట్ కోసం చర్చలు జరుపుతూ ఉన్న సమయంలోనే RC -15 సినిమాకు సంబంధించి తాజా షెడ్యూల్ కోసం ఎదురుచూస్తున్నారు. ఇక రాజమండ్రిలో తండ్రి పాత్రకు సంబంధించి ఫ్లాష్ బ్యాక్ ఎపిసోడ్ ని గత కొద్ది రోజుల క్రితమే చిత్ర బృందం పూర్తి చేశారు. ఆ తర్వాత అమృత్ సర్ పాటు హైదరాబాదులోనూ కూడా పలు కీలకమైన ఘట్టాలను చిత్రీకరించారు. దీంతో కాస్త బ్రేక్ ఇచ్చినట్లుగా తెలుస్తోంది.


ఆ తరువాత కమలహాసన్ తో శంకర్ ఇండియన్ 2 సినిమానీ మళ్లీ మొదలుపెట్టారు. ప్రస్తుతం ఈ సినిమా షూటింగ్ కూడా చాలా వేగంగా జరుగుతోంది.ఈ సినిమాకు సంబంధించి కీలకమైన ఘట్టాల షూటింగ్ జరగబోతున్నట్లు వార్తలు వినిపిస్తున్నాయి. ఇక రాంచరణ్ సినిమాకు సంబంధించి నవంబర్ మొదటి వారంలో షూటింగ్ మొదలు కాబోతున్నట్లు సమాచారం. అందుకోసం చిత్ర బృందం విదేశాలకు వెళుతున్నట్లు తెలుస్తోంది. ఈ చిత్రంలో రామ్ చరణ్ ద్విపాత్రాభినయంలో నటిస్తున్నారు. ఇప్పటివరకు లీకైన ఫోటోలు ఈ విషయాన్ని స్పష్టం చేశాయి. ఈ లిక్ లా కారణం చేత చిత్ర బృందం చాలా ఇబ్బంది పడుతోంది. దీంతో చిత్ర బృందం ఎట్టి పరిస్థితుల్లో ఈసారి లీకులు తలెత్తకుండా చూసుకోవాలని ప్లాన్ చేస్తున్నట్లు సమాచారం. మరి ఈ విషయంలో సక్సెస్ అవుతారెమో చూడాలి.

మరింత సమాచారం తెలుసుకోండి:

సంబంధిత వార్తలు: