రామ్ సేతు: మూవీ ఫట్టు.. కానీ మనోడు హిట్టు...?
మ న టాలీవుడ్ యంగ్ అండ్ టాలెంటెడ్ యాక్టర్ సత్యదేవ్ ఏ సినిమా చేసినా.. అతడి నటన గురించి తప్పకుండా ప్రశంసలు వస్తాయి.సినిమా ఫలితంతో సంబంధం లేకుండా అతడి నటనను మాత్రం అందరూ ఎంతగానో కొనియాడుతారు.అందుకే మెగాస్టార్చిరంజీవి సైతం ఏరికోరి మరి సత్య దేవ్ ని తన గాడ్ ఫాదర్ సినిమాలో పెట్టుకున్నాడు.గాడ్ ఫాదర్లో విలన్ పాత్రతో సత్యదేవ్ వావ్ అనిపించాడు. చిరు ముందు అతను విలన్ ఏంటి అని విడుదలకు ముందు అన్న వాళ్లు కూడా రిలీజ్ తర్వాత సినిమాకు సత్యదేవ్ పాత్ర, అతడి నటనే హైలైట్ అన్నారు. ఈ టాలెంటెడ్ యాక్టర్ బాలీవుడ్లోనూ ఓ పెద్ద సినిమాలో అవకాశం దక్కించుకున్నాడు.అక్షయ్ కుమార్ హీరోగా నటించిన ఆ చిత్రమే.. రామ్ సేతు. అభిషేక్ శర్మ దర్శకత్వంలో తెరకెక్కిన ఈ అడ్వెంచరస్ థ్రిల్లర్ దీపావళి కానుకగా మంగళవారమే ప్రేక్షకుల ముందుకు వచ్చింది. ఐతే సినిమా మీద ప్రేక్షకులు పెట్టుకున్న అంచనాలను ఈ సినిమా అందుకోలేకపోయింది.పురాణాలకు మాత్రమే పరిమితం అయిన రామసేతుకు సంబంధించిన ఆధారాలను కనుగొని అది నిజంగానే ఉంది అని చాటి చెప్పే ప్రయత్నంతో సాగే ఈ సినిమా పూర్తి స్థాయిలో ప్రేక్షకులను మెప్పించలేకపోయింది. కాన్సెప్ట్ బాగున్నా.. ప్రథమార్ధం వరకు ఆసక్తికరంగా సాగినా సినిమా ఓవరాల్గా మెప్పించలేదని.. రెండో అర్ధం నుంచి గాడి తప్పిన సినిమా చివరికి నిరాశను మిగిల్చిందని అంటున్నారు. ఐతే సినిమా విషయంలో మిశ్రమ స్పందన వస్తున్నప్పటికీ.. సత్యదేవ్ పాత్ర, నటన విసయంలో మాత్రం ప్రశంసలు జల్లు కురుస్తోంది.సినిమా చూసిన ప్రతి ఒక్కరూ సత్యదేవ్ సూపర్ అనే అంటున్నారు. ఫుల్ లెంగ్త్లో సాగే అక్షయ్ కుమార్ పాత్ర కంటే సత్యదేవ్ క్యారెక్టర్, అతడి నటనే బాగున్నాయని అంటున్నారు. మొత్తానికి సినిమా ఎలా ఉన్నప్పటికీ.. తనవరకు హైలైట్ అయ్యే ట్రెండుని సత్యదేవ్ కొనసాగిస్తున్నాడు. ఇక భవిష్యత్తులో సత్యదేవ్ ఖచ్చితంగా గొప్ప స్టార్ కావడం ఖాయం!