మరో 20 సంవత్సరాలు మీకోసం ఇలానే కష్టపడతాను... నితిన్..!
టాలీవుడ్ యంగ్ హీరోలలో ఒకరు అయిన నితిన్ తాజాగా ఎం ఎస్ రాజశేఖర్ రెడ్డి దర్శకత్వంలో తెరకెక్కిన మాచర్ల నియోజకవర్గం అనే మూవీ లో హీరోగా నటించిన విషయం మనందరికీ తెలిసిందే. ఈ మూవీ లో నితిన్ కలెక్టర్ పాత్రలో కనిపించబోతున్నాడు. ఈ మూవీ ని దర్శకుడు పొలిటికల్ యాక్షన్ ఎంటర్ టైనర్ గా తెరకెక్కించినట్లు తెలుస్తోంది.
నితిన్ కెరీర్ లో మొట్ట మొదటి సారి పొలిటికల్ యాక్షన్ ఎంటర్టైనర్ మూవీ లో నటిస్తూ ఉండడం తో ఈ మూవీ పై నితిన్ అభిమానులతో పాటు మామూలు సినీ ప్రేమికులు కూడా మంచి అంచనాలు పెట్టుకున్నాడు . అలా ప్రేక్షకుల్లో మంచి అంచనాలు కలిగి ఉన్న మాచర్ల నియోజకవర్గం మూవీ ని ఆగస్ట్ 12 వ తేదీన విడుదల చేయనున్నారు . ఈ మూవీ విడుదల తేదీ దగ్గర పడటంతో తాజాగా ఈ మూవీ యూనిట్ ఈ సినిమా ప్రీ రిలీజ్ ఈవెంట్ ను ఘనంగా నిర్వహించింది .
ఈ ప్రీ రిలీజ్ ఈవెంట్ లో భాగంగా నితిన్ మాట్లాడుతూ ... మాచర్ల నియోజకవర్గం మూవీ నా మనసుకు చాలా దగ్గరైన సినిమా. నేను ఇండస్ట్రీ కి వచ్చి ఇప్పటికి 20 సంవత్సరాలు అవుతుంది. ప్రేక్షకుల మరియు అభిమానుల సపోర్ట్ లేకుంటే నేను ఈ స్థాయిలో ఉండేవాడిని కాదు. మీ ప్రేమకి , అభిమానానికి థ్యాంక్స్. మరో 20 సంవత్సరాలు అయిన మీ కోసం నేను ఇలాగే కష్టపడతాను అని నితిన్ చెప్పు కొచ్చాడు. ఈ మూవీ లో నితిన్ సరసన క్యాథరిన్ , కృతి శెట్టి లు హీరోయిన్ లుగా నటించగా , ఈ మూవీ కి మహతి స్వర సాగర్ సంగీతాన్ని అందించాడు. ఈ మూవీ లో సముద్ర కని ప్రతి నాయకుడి పాత్రలో నటించాడు.