వైరల్ అవుతున్న కమెడియన్ రాహుల్ రామకృష్ణ పోస్ట్...!!
యంగ్ కమెడియన్ రాహుల్ రామకృష్ణ టాలీవుడ్ లో తనకంటూ మంచి గుర్తింపు సొంతం చేసుకున్నాడు. కమెడియన్ గా మరియు క్యారెక్టర్ ఆర్టిస్ట్ గా దూసుకుపోతున్నాడు.అర్జున్ రెడ్డి, భరత్ అనే నేను, జాతి రత్నాలు లాంటి చిత్రాల్లో రాహుల్ రామకృష్ణ తనదైన మార్క్ నటన ప్రదర్శించాడు. ఇటీవల రాహుల్ రామకృష్ణ ఆర్ఆర్ఆర్ చిత్రంలో కీలక పాత్రలో నటించిన విషయం తెలిసిందే.
ఈ మూవీలో రామకృష్ణ ది చాలా కీలకమైన రోల్. ఒక రకంగా చెప్పాలంటే కథని మలుపు తిప్పే పాత్రే. ఎన్టీఆర్ పక్కన ఉంటూ తాను అద్భుతంగా నటించాడు. ప్రస్తుతం రాహుల్ రామకృష్ణకి టాలీవుడ్ లో మరిన్ని అవకాశాలు కూడా వస్తున్నాయి. ఇదిలా ఉండగా రాహుల్ తాజాగా ఓ గుడ్ న్యూస్ ను ప్రకటించాడు.
తాను త్వరలో ఓ ఇంటివాడిని కాబోతున్నట్లు సోషల్ మీడియా వేదికగా తెలిపాడు. అది కూడా కొంచెం బోల్డ్ గానే. తన ఫియాన్సీతో ఘాటుగా లిప్ కిస్ లో మునిగితేలుతున్న ఫోటోను పోస్ట్ చేశాడు. ఎట్టకేలకు త్వరలో పెళ్లి చేసుకోబోతున్నా అంటూ కామెంట్ కూడా పెట్టాడు. ఈ ఫోటో ప్రస్తుతం సోషల్ మీడియాలో బాగా వైరల్ గా మారింది.
అభిమానులు రాహుల్ రామకృష్ణకి శుభాకాంక్షలు కూడా చెబుతున్నారు. ఇటీవల విశ్వక్ సేన్ వివాదంలో రాహుల్ రామకృష్ణ సదరు టీవీ ఛానల్ పై ఘాటుగా వ్యాఖ్యలు చేసిన విషయం తెలిసిందే. టీఆర్పీ, డబ్బు కోసమే ఆ ఛానల్ పనిచేస్తోంది అంటూ రాహుల్ తీవ్రంగా విమర్శలు చేశారు.
తాజాగా రాహుల్ రామకృష్ణ తన ఫియాన్సీతో ఉన్న ఫోటో విషయంలో కూడా ఆ చానల్ పై బాగా సెటైర్లు వేశాడు. ఈ ఫోటోపై మరిన్ని వివరాలు తెలుసుకునేందుకు డిబేట్ కూడా పెట్టండి. నేను నా ఫియాన్సీ తప్పకుండా డిబేట్ కి వస్తాము. మీరు ఇలాంటివి చేస్తారు కదా అంటూ రాహుల్ ఆసక్తికర వ్యాఖ్యలు చేశాడట.
విశ్వక్ సేన్, యాంకర్ దేవి నాగవల్లి వివాదం టాలీవుడ్ లో ఇప్పుడు సంచలనంగా మారింది. విశ్వక్ సేన్ తన చిత్రం అశోక వనంలో అర్జున కళ్యాణం కోసం ఫ్రాంక్ వీడియో చేసిన విషయం తెలిసిందే. దీనిపై ఆ ఛానల్ లో జరిగిన డిబేట్ లో విశ్వక్ సేన్, నాగవల్లి మధ్య గొడవ జరిగిన విషయం కూడా తెలిసిందే.