సర్కారు వారి పాట మూవీ విషయంలో టెన్షన్ పడుతున్న మహేష్ అభిమానులు..!
సూపర్ స్టార్ మహేష్ బాబు గురించి సినీ ప్రేక్షకులకు కొత్తగా పరిచయం చేయాల్సిన అవసరం లేదు, సూపర్ స్టార్ మహేష్ బాబు సరిలేరు నీకెవ్వరు లాంటి బ్లాక్ బస్టర్ విజయం తర్వాత సర్కారు వారి పాట అనే సినిమాలో హీరోగా నటిస్తున్నాడు. ఈ సినిమాకు గీత గోవిందం సినిమాతో దర్శకుడిగా మంచి పేరు సంపాదించుకున్న పరశురామ్ దర్శకత్వం వహిస్తున్నాడు. సర్కారు వారి పాట సినిమాలో మహేష్ బాబు సరసన కీర్తి సురేష్ కథానాయికగా నటిస్తోంది, ఇప్పటికే ఈ సినిమా నుండి చిత్ర బృందం కొన్ని పాటలను విడుదల చేసింది. సర్కారు వారి పాట చిత్ర బృందం విడుదల చేసిన ఈ సినిమా పాటలకు ప్రేక్షకుల నుంచి మంచి రెస్పాన్స్ లభిస్తోంది.
మరీ ముఖ్యంగా సర్కారు వారి పాట సినిమా లోని కళావతి సాంగ్ యూట్యూబ్ లో మిలియన్ ల కొద్దీ వ్యూస్ ను సాధిస్తూ ముందుకు దూసుకుపోతుంది, ఈ సినిమాకు తమన్ సంగీతాన్ని సమకూర్చాడు. ఇది ఇలా ఉంటే సర్కారు వారి పాట సినిమాను కొంత కాలం క్రితం సంక్రాంతి కానుకగా జనవరి 13 వ తేదీన విడుదల చేయనున్నట్లు చిత్ర బృందం ప్రకటించింది. కాకపోతే కొన్ని అనివార్య కారణాల వల్ల ఈ సినిమాను చిత్ర బృందం సంక్రాంతి బరి నుండి తప్పించింది, ఆ తర్వాత సర్కారు వారి పాట చిత్ర బృందం ఈ సినిమాను మే 12 వ తేదీన విడుదల చేయనున్నట్లు ప్రకటించింది. అయితే తాజాగా అందుతున్న సమాచారం ప్రకారం ఇప్పటి వరకు సర్కారు వారి పాట సినిమా డబ్బింగ్ పనులు కూడా ప్రారంభం కానట్లు తెలుస్తుంది. ఇది ఇలా ఉంటే ఈ సినిమా విడుదల తేదీని ఇప్పటికే దగ్గర పడింది. ఇప్పటి వరకు కూడా ఈ సినిమా డబ్బింగ్ పనులు ప్రారంభం కాకపోవడంతో ఈ సినిమా మే 12 వ తేదీన విడుదల అవుతుందా లేదా అని మహేష్ బాబు అభిమానులు టెన్షన్ పడుతున్నారు.