RRR కి సీక్వెల్.. ఈసారి భీమ్ ని లేపుతారా?
'ఆర్ ఆర్ ఆర్' సినిమా వార్ యధావిధిగా బాక్సాఫీస్ వద్ద కొనసాగుతూనే ఉంది. నేటి నుంచి తగ్గిన టిక్కెట్ ధరలు అమలులోకి వస్తాయి కాబట్టి ఆక్యుపెన్సీ కూడా పెరిగే అవకాశం ఉంది. ఇక సక్సెస్ పరంగా టీమ్ అంతా కూడా ఫుల్ హ్యాపీ. ఇక అభిమానుల పరంగా చూస్తే మెగా పవర్ స్టార్ రామ్ చరణ్ అభిమానుల ఆనందానికైతే అసలు అవధుల్లేవ్.రామ్ చరణ్ పాత్రని ఎక్కువగా హైలైట్ చేసినట్లు కనిపిస్తుందని...ఎన్టీఆర్ ని తగ్గించారని ఉప్పొంగిపోతున్నారు. సినిమాలో రెండు పాత్రలు హైలైట్ అయినా సెకండ్ హాఫ్ లో చరణ్ పాత్రనే అద్భుతం అంటూ ఫ్యాన్స్ మానసిక ఆనందం పొందుతున్నారు. ఈ విషయంలో తారక్ అభిమానులు అయితే అసంతృప్తితో ఉన్న మాట వాస్తవం.ఈ నేపథ్యంలో ఎన్టీఆర్ కూడా హర్ట్ అయ్యారని..అందుకే పార్టీలకు డుమ్మా కొట్టారని ఇలా కొన్ని రకాల ప్రచారాలు తెరపైకి వచ్చాయి. అలాగే 'ఆర్ ఆర్ ఆర్' సినిమాకి సీక్వెల్ కూడా ఉంటుందని ప్రచారం సాగుతోంది.ఈ సీక్వెల్ లో కొమరం భీమ్ పాత్ర ఎక్కువగాను ఇంకా అల్లూరి సీతా రామరాజు పాత్ర తక్కువగాను ఉంటుందని..అందువల్ల రెండు పాత్రల్ని బ్యాలెన్స్ చేస్తారని ప్రచారం కూడా సాగుతోంది. తాజాగా ఈ విషయాలన్నింటిపై స్టార్ రైటర్ విజయేంద్ర ప్రసాద్ స్పందించారు.
నేను సాధ్యమయ్యే సీక్వెల్ ని అన్వేషించడం ప్రారంభించినప్పుడు కొన్ని ఆలోచనలు అనేవి వచ్చాయి. అది కూడా అందరికి బాగా నచ్చింది.ఇక భగవంతుడు కనుక సంకల్పిస్తే 'ఆర్ ఆర్ ఆర్' సినిమాకి సీక్వెల్ ఉంటుంది'అని హింట్ ఇచ్చేసారు.అలాగే రామ్ చరణ్- జూనియర్ ఎన్టీఆర్ ల పాత్రల మధ్య వ్యత్యాసంపైన కూడా స్పందించారు. ''తారక్ కెరీర్ లోనే బెస్ట్ పెర్మార్మెన్స్ ఇచ్చిన సినిమాగా 'ఆర్ ఆర్ ఆర్' నిలిచింది. ఎమోషనల్ సాంగ్ లో ఎన్టీఆర్ నటన అద్భుతం. అతని పాత్ర ఫరిది తగ్గింది అనడంలో ఎటువంటి నిజం లేదు.ప్రస్తుతం చరణ్-తారక్ తమ విజయాన్ని ఆస్వాదిస్తున్నారు. వాళ్లలో చాలా ఉత్సాహం కనిపిస్తుంది. దయచేసి ఇలాంటి అర్ధం పర్ధం లేని రూమర్లని క్రియేట్ చేసి వాళ్ల మనసుకు గాయాలు తగిలించొద్దు. అభద్రతాబావాల్ని ఇంకా అలాగే వ్యక్తిగత ఎజెండాలని వాళ్లపై రుద్దొద్దు'అని ఆయన తెలిపారు.