కిక్ బాక్సింగ్ నేపథ్యంలో రూపొందుతున్న" లైగర్ "మూవీ షూటింగ్ పూర్తి చేసుకుని పోస్ట్ ప్రొడక్షన్ కార్యక్రమాలు కూడా జరుపుకుంటోంది. సినిమా కథ విషయానికి వస్తే..ముంబై స్లమ్ ఏరియాలో వుండే ఛాయ్ వాలా కిక్ బాక్సింగ్ లో ఎలా ఛాపియన్ గా మారాడు? ఈ క్రమంలో అతను ఎదుర్కొన్న సవాళ్లేంటీ? అనే ఇంట్రెస్టింగ్ కథ కథనాలతో ఈ మూవీని దర్శకుడు పూరి జగన్నాథ్ తనదైన స్టైల్ లో తెరకెక్కించారు. ఇటీవల గ్లింప్స్ ఆఫ్ `లైగర్` పేరుతో విడుదల చేసిన వీడియో సినిమాపై అంచనాల్ని బాగా పెంచేసింది.ఇందులో వరల్డ్ ఫేమస్ బాక్సర్ మైక్ టైసన్ ఓ ముఖ్య అతిథి పాత్రలో నటించారు. విజయ్ దేవరకొండ ఇంకా మైక్ టైసన్ లు పాల్గొనగా కీలక ఘట్టాన్ని యుఎస్ లో పూరి జగన్నాథ్ షూట్ చేశారట. ఇక ఈ సీన్స్ సినిమాకు ప్రధాన హైలైట్ గా నిలుస్తాయని చెబుతున్నారు.ఈ సినిమా పూర్తయి పోయి పోస్ట్ ప్రొడక్షన్ స్టేజ్ కి చేరడంతో తన పాత్రకు మైక్ టైసన్ తానే సొంతంగా డబ్బింగ్ చెప్పడం విశేషం.
శుక్రవారం నాడు ఈ విషయాన్ని చిత్ర బృందం సోషల్ మీడియా వేదికగా వెల్లడించింది.అంతే కాకుండా తగ్గేదే లే అంటూ మైక్ టైసన్ డబ్బింగ్ చెబుతున్న ఫొటోలని కూడా షేర్ చేసింది. డబ్బింగ్ తరువాత మైక్ టైసన్ ఈ మూవీలో మీ టీమ్ తో కలిసి పనిచేసినందుకు చాలా గ్రేట్ గా ఫీలవుతున్నానని తనని చాలా బాగా చూసుకున్నారని టీమ్ ని పొగడటం విశేషం. సినిమాలో విజయ్ దేవరకొండ మైక్ టైసన్ మధ్య వచ్చే సీన్లు ఫ్యాన్స్ కి ఓ ట్రీట్ లా వుంటాయని సినిమాకు ప్రధాన హైలైట్ గా నిలుస్తాయని మేకర్స్ చెబుతున్నారు.ఇప్పటికే భారీ అంచనాలు నెలకొన్న ఈ సినిమా రిలీజ్ కోసం వరల్డ్ వైడ్ గా వున్న ప్రేక్షకులు ఆసక్తిగా ఎదురుచూస్తున్నారు. ఇక అన్ని కార్యక్రమాలు కూడా పూర్తి చేసి ఈ మూవీని ఆగస్టు 25 వ తేదీన ప్రపంచ వ్యాప్తంగా తెలుగు తమిళ కన్నడ మలయాళ హిందీ భాషల్లో విడుదల చేయబోతున్నారు.