డిజాస్టర్ టాక్ వచ్చిన కలెక్షన్స్ కుమ్మేసిన చిరంజీవి సినిమా...!!
మెగాస్టార్ చిరంజీవి సినీమా కెరీర్ లోని బ్లాక్ బస్టర్ హిట్లలో స్టేట్ రౌడీ సినిమా ఒకటనే విషయం తెలిసిందే. రాధ మరియు భానుప్రియ ఈ సినిమాలో హీరోయిన్లుగా నటించగా బి.గోపాల్ ఈ సినిమాకు దర్శకత్వం వహించారు.
ఈ సినిమాకు మొదట కోదండ రామిరెడ్డి దర్శకుడిగా ఎంపికైనా కానీ కొన్ని కారణాల వల్ల ఈ ప్రాజెక్ట్ కు డైరెక్షన్ చేసే ఛాన్స్ బి.గోపాల్ కు దక్కిందట.. సుబ్బరామిరెడ్డి చిరంజీవితో నిర్మించిన ఏకైక సినిమా స్టేట్ రౌడీ కావడం విశేషం.. 1989 సంవత్సరం మార్చి నెల 23వ తేదీన ఈ సినిమా థియేటర్లలో విడుదలైందట. నైజాం బయ్యర్లు బ్లాంక్ చెక్కులు ఇచ్చి ఈ సినిమా హక్కులు కొనుగోలు చేయాలని అప్పట్లో ప్రయత్నాలు కూడా చేశారు.
సినిమాకు ఫ్లాప్ టాక్ వచ్చినా కానీ తొలిరోజు నుంచే ఈ సినిమా కలెక్షన్ల విషయంలో రికార్డులు క్రియేట్ చేసిందని తెలుస్తుంది.. ఈ సినిమా నైజాంలో కోటి రూపాయల కలెక్షన్లను సొంతం చేసుకుంది. ఈ సినిమా విడుదలయ్యే సమయానికి అమితాబ్ బచ్చన్ ఆలిండియా సూపర్ స్టార్ గా ఉన్నారు. అయితే ఆయన సినిమాలను మించి చిరంజీవి నటించిన స్టేట్ రౌడీ కళ్లు చెదిరే స్థాయిలో కలెక్షన్లను సొంతం చేసుకోవడం విశేషం . ఆ సమయంలో ట్రేడ్ గైడ్ అనే ఫిల్మ్ మ్యాగజైన్ చిరంజీవి నటించిన సినిమా కలెక్షన్ల వివరాలను ప్రచురించి వేరీజ్ అమితాబ్? అని ప్రశ్నిస్తూ ఆర్టికల్ రాసిందట.
వైరల్ అయిన ఆ ఆర్టికల్ ను చదివి హిందీ సినీ ప్రముఖులు సైతం ఎంతో ఆశ్చర్యపోయారని సమాచారం. కమల్, రజినీకాంత్ ఈ సినిమా 100 డేస్ ఫంక్షన్ కు హాజరు కాగా ఈ ఫంక్షన్ ఎంతో గ్రాండ్ గా జరిగింది.