అలాంటి అవకాశం కోసం ఎదురు చూస్తున్నాను... కార్తికేయ..!
కొంతమంది హీరోలు ఇండస్ట్రీ లోకి ఎంట్రీ ఇచ్చిన మొదటి సినిమాతోనే బాక్స్ ఆఫీస్ దగ్గర అదిరిపోయే బ్లాక్ బస్టర్ విజయాలను అందుకుంటూ ఉంటారు, అలాంటి హీరోలు ఆ తర్వాత కూడా మంచి క్రేజీ సినిమా అవకాశాలను దక్కించుకుంటారు. అలా మొదటి సినిమాతోనే టాలీవుడ్ ఇండస్ట్రీలో అదిరిపోయే విజయాన్ని అందుకొని ఆ తర్వాత కూడా క్రేజీ సినిమా అవకాశాలను దక్కించుకుంటున్న హీరోలలో కార్తికేయ ఒకరు. కార్తికేయ ఆర్ఎక్స్ 100 సినిమాతో మంచి విజయాన్ని అందుకున్నాడు, ఆ తర్వాత కూడా ఈ హీరో కి టాలీవుడ్ ఇండస్ట్రీలో క్రేజీ సినిమా అవకాశాలు దక్కాయి, కాకపోతే ఆర్ఎక్స్ 100 సినిమా తర్వాత కార్తికేయ నటించిన సినిమాలు పెద్దగా బాక్సాఫీస్ దగ్గర ప్రభావం చూపలేదు, అయితే అలాంటి తరుణంలోనే కార్తికేయ నాచురల్ స్టార్ నాని హీరోగా విక్రమ్ కే కుమార్ దర్శకత్వంలో తెరకెక్కిన గ్యాంగ్ లీడర్ సినిమాలో ప్రతినాయకుడి పాత్రలో నటించాడు.
ఈ సినిమాలో కార్తికేయ పాత్రకు ప్రేక్షకుల నుంచి మంచి ప్రశంసలు దక్కాయి, ఇలా మొదటి సారి విలన్ పాత్రలో కనిపించి మెప్పించిన కార్తికేయ తాజాగా అజిత్ హీరోగా తెరకెక్కిన వలిమై సినిమాలో కూడా ప్రతినాయకుడి పాత్రలో నటించాడు. ఈ సినిమా ఈ నెల 24 వ తేదీన విడుదల కాబోతుంది, ఈ సినిమా విడుదల సందర్భంగా మీడియాతో ముచ్చటించిన కార్తికేయ కొన్ని ఆసక్తికరమైన విషయాలను తెలియజేశాడు, ఈ క్రమంలో మెగాస్టార్ చిరంజీవి సినిమాలో విలన్ రోల్ వస్తే చేస్తారా ? అనే ప్రశ్నకు కార్తికేయ స్పందిస్తూ.. మెగాస్టార్ సినిమాలో విలన్ గా చేయగల్గుతానా లేదా అనేది నా డౌటు, విలన్ పాత్ర అంటే ఆయన ముందు నిలబడి డైలాగ్ చెప్పాలి ఆయనను చూస్తే అనే కిందామీదా అవుతాను ఇక నటించే అవకాశం ఎక్కడ ఉంటుంది, ప్రతినాయకుడి పాత్రలో కాకపోయినా ఆయన సినిమాలో చిన్న పాత్రలో నటించలి అని ఉంది. నా అభిమాన హీరోతో ఒక మూవీ చేశాను అనే సంతోషం.. మంచిరోల్ చేశాననే సంతృప్తి నాకు జీవితాంతం గుర్తుండిపోవాలి, అలాంటి ఒక అవకాశం కోసం ఎదురుచూస్తున్నాను అంటూ కార్తికేయ చెప్పుకొచ్చాడు.