తన ఫోన్ నెంబర్ గురించి ఆసక్తికరమైన కామెంట్ చేసిన శృతిహాసన్..!
అందాల ముద్దుగుమ్మ శృతి హాసన్ ప్రస్తుతం వరుస సినిమాలతో ఫుల్ బిజీ గా ఉంది, ఇప్పటికే పోయిన సంవత్సరం క్రాక్ సినిమాతో బాక్స్ ఆఫీస్ దగ్గర మంచి విజయాన్ని అందుకున్న శృతి హాసన్ ప్రస్తుతం ప్రభాస్ హీరోగా ప్రశాంత్ నీల్ దర్శకత్వంలో తెరకెక్కుతున్న సలార్ సినిమాలో హీరోయిన్ గా నటిస్తుంది. ఇప్పటికే ఈ సినిమాలో శృతి హసన్ కు సంబంధించిన ఫస్ట్ లుక్ పోస్టర్ ను కూడా చిత్ర బృందం విడుదల చేసింది, సలార్ సినిమాలోని శృతి హాసన్ ఫస్ట్ లుక్ పోస్టర్ కు ప్రేక్షకుల నుండి మంచి రెస్పాన్స్ లభించింది, ఈ సినిమా పాన్ ఇండియా రేంజ్ లో తెరకెక్కుతుంది. ఇది ఇలా ఉంటే ఈ సినిమాతో పాటు నందమూరి నట సింహం బాలకృష్ణ హీరోగా గోపిచంద్ మలినేని దర్శకత్వంలో తెరకెక్కబోయే సినిమాలో కూడా శృతి హాసన్ హీరోయిన్ గా నటించబోతోంది.
ఇది వరకే గోపీచంద్ మలినేని దర్శకత్వంలో రవితేజ హీరోగా తెరకెక్కిన బలుపు మరియు క్రాక్ సినిమాలలో కూడా శృతి హాసన్ హీరోయిన్ గా నటించింది, ఇలా గోపిచంద్ మలినేని దర్శకత్వం లో శృతి హాసన్ హీరోయిన్ గా తెరకెక్కిన బలుపు , క్రాక్ సినిమాలు కూడా మంచి విజయాలను బాక్స్ ఆఫీస్ దగ్గర అందుకోవడం మాత్రమే కాకుండా, కలెక్షన్ లను కూడా బాగానే రాబట్టాయి, వీరి కాంబినేషన్ లో మూడవ సినిమా తెరకెక్కబోతుంది. ఇలా సినిమాలతో ఎంత బిజీగా ఉన్నా ఖాళీ సమయం దొరికితే మాత్రం ఫ్యాన్స్‌ తో చిట్‌చాట్‌ చేస్తుంటుందీ శృతి హాసన్, ఇది ఇలా ఉంటే తాజా ఇంటర్వ్యూ లో శ్రుతి హాసన్.. తన గురించి గూగుల్‌ లో ఎక్కువగా ఆరా తీసిన ప్రశ్నలకు సమాధానాలిచ్చింది. అందులో భాగంగా ఆమె ఫోన్ నంబర్‌ అడగ్గా.. 100 అని ఇంతకు ముందు కూడా చెప్పానుగా అని శృతి హాసన్ బదులిచ్చింది.