విష్ణు విశాల్ హీరోగా తెరకెక్కిన ఎఫ్ఐఆర్ సినిమాపై బాగా వ్యతిరేకత వ్యక్తమౌతోంది. మనోభావాల్ని దెబ్బతీసేలా ఉందంటూ తెగ అభ్యంతరం వ్యక్తం చేస్తున్నారు.ఇక చిత్ర యూనిట్ కూడా క్షమాపణలు చెప్పిందట..
ఫిబ్రవరి 11న అంటే నిన్న విడుదలైన ఎఫ్ ఐ ఆర్ సినిమాపై ప్రశంసలు మరియు విమర్శలు కూడా వస్తున్నాయి. సినిమాలో కొన్ని సన్నివేశాలు అయితే మనోభావాల్ని దెబ్బతీసేలా ఉన్నాయనేది కొంతమంది వాదన. ఆ సన్నివేశాల్ని సినిమా నుంచి అలాగే ప్రమోషనల్ వీడియోల నుంచి తొలగించాలనే డిమాండ్ కూడా విన్పిస్తోంది. అసలేం జరిగిందంటే..
ఎఫ్ ఐ ఆర్ సినిమాలో హీరో విష్ణు విశాల్ ఓ ముస్లిం వ్యక్తి గా నటించాడు.అటు విలన్ కూడా ముస్లిం టెర్రరిస్ట్గా ఉంటాడు. దేశంలో అరాచకం సృష్టించేందుకు ఆ విలన్ చేయని ప్రయత్నమంటూ ఉండదు.. హీరోలో విలన్ పోలికలుండటంతో అధికారులు అతడిని అరెస్ట్ చేసి ప్రశ్నిస్తుంటారట ఈ క్రమంలో సినిమాలో కొన్ని అభ్యంతరకర సన్నివేశాలున్నాయని ఎంఐఎం నేత మరియు యాకుత్ పురా ఎమ్మెల్యే సయ్యద్ అహ్మద్ పాషా ఖాద్రీ..తెలంగాణ సినిమాటోగ్రఫీ మంత్రి తలసాని శ్రీనివాస యాదవ్కు ఈ విషయమై లేఖ కూడా రాశారు. ఎఫ్ ఐ ఆర్ సినిమాలోని (FIR Movie)సన్నివేశాలపై అభ్యంతరం కూడా వ్యక్తం చేశారు. తక్షణం సినిమా నుంచి, ప్రమోషన్ వీడియోల నుంచి ఆ సన్నివేశాల్ని తొలగించాలని వారు కోరారు. తెలంగాణ సినిమా రెగ్యులేషన్ యాక్ట్ 1955 సెక్షన్ 8 ప్రకారం ఆ సన్నివేశాల్ని తొలగించాలని వారు స్పష్టం చేశారు.
అయితే తమ సినిమా ఏ మతస్థుల్ని కూడా కించపరిచేట్టు తీయలేదని, ప్రతి ఇండియన్ గర్వించే విధంగా తీశామంటున్నారట చిత్ర యూనిట్ సభ్యులు. ఇప్పటికే ముస్లిం మనోభావాల్ని కించపరిచేటట్టు ఉందని కొన్ని ప్రాంతాల్లో సినిమాను నిలిపివేశారట. ఇది కేరళలో జరిగిన వాస్తవ ఘటన ఆధారంగా తీసిన సినిమా అని.మనోభావాలు దెబ్బతిన్నట్టు అన్పిస్తే తమ తరపున ముస్లింలకు క్షమాపణలు చెబుతున్నామని వారు తెలిపారట.