ఒమిక్రాన్ దెబ్బకు మొదలైన వాయిదాల పర్వం..?
కోవిడ్-19 మూడో వేవ్ రూపంలో మరోసారి ఉరుముతున్న నేపథ్యంలో ప్రధాన నగరాలు ఒకటొకటిగా మరోసారి ఆంక్షల చట్రంలోకి వెళ్లిపోతున్నాయి. ఒమిక్రాన్ వేరియంట్ వ్యాప్తిని తొలిదశలోనే అడ్డుకునేందుకు కేంద్రం సూచనల మేరకు పలు ప్రాంతాల్లో రాత్రిపూట నిషేధ ఆజ్ఞలు ఇప్పటికే అమలవుతున్నాయి. మరోపక్క కేసులు అంతకంతకూ పెరుగుతుండటంతో లాక్డౌన్ తరహా పరిస్థితులు తప్పవేమోనన్న ఆందోళనలు పెరుగుతున్నాయి. ఈ నేపథ్యంలో కొత్త సంవత్సరం ప్రారంభంలో ప్రేక్షకుల ముందుకు వచ్చేందుకు సిద్ధమైన చిత్రాల విడుదలపై మళ్లీ సందేహాలు ముసురుకుంటున్నాయి. ఈ భయాలను నిజం చేస్తూ డిసెంబర్ 31న ప్రేక్షకుల ముందుకు రావాల్సిన బాలీవుడ్ మూవీ జెర్సీ ని ఒమిక్రాన్ వ్యాప్తి కారణంగా వాయిదా వేసుకుంటున్నట్టుగా ఆ చిత్ర బృందం ప్రకటించింది. షాహిద్ కపూర్ హీరోగా తెరకెక్కిన ఈ చిత్రం.. తెలుగులో నాని హీరోగా వచ్చిన జెర్సీ చిత్రానికి రీమేక్.
దీంతో ఇదే బాటలో ఇతర చిత్రాలు వాయిదా పడక తప్పదేమోనన్న అభిప్రాయాలు పరిశ్రమ వర్గాల నుంచి వ్యక్తమవుతున్నాయి.
రాజమౌళి ప్రతిష్ఠాత్మకంగా తెరకెక్కించిన భారీ మల్టీస్టారర్ ఆర్ఆర్ఆర్ ను జనవరి 7న ప్రపంచవ్యాప్తంగా విడుదల చేసేందుకు చిత్రబృందం సిద్ధమవుతున్న విషయం తెలిసిందే. దీనికి సంబంధించిన ప్రమోషన్ కార్యక్రమాలు కూడా అంతే భారీస్థాయిలో నిర్వహిస్తున్నారు. అద్భుతమైన అంచనాలు ఉన్న ఈ చిత్రం విడుదలకు ఒమిక్రాన్ ఆటంకంగా మారుతుందేమోనన్న ఆందోళన అటు చిత్ర యూనిట్లోనూ ఇటు అందులో నటించిన స్టార్ హీరోల అభిమానుల్లోనూ కనిపిస్తోంది. ఈ చిత్రం తర్వాత వారం గ్యాప్తో మరో ప్యాన్ ఇండియా చిత్రంగా ప్రభాస్ కథానాయకుడిగా రూపొందిన రాధేశ్యామ్ కూడా రావాల్సి ఉంది. అయితే జెర్సీ వాయిదా పడిన నేపథ్యంలో ఇప్పుడు ఈ సినిమాల భవితవ్యం ఏంటో స్పష్టం కావాల్సి ఉంది. చిన్న సినిమాలపై ఒమిక్రాన్ ప్రభావం ఏమంత ఉండకపోవచ్చు. ఎందుకంటే వాటిని విడుదల చేసేందుకు ఓటీటీ రూపంలో మెరుగైన ప్రత్యామ్నాయం ఉంది. కానీ భారీ చిత్రాలకు థియేటర్లలో విడుదల అయితేనే మనుగడ ఉండేది. వచ్చే వారం రోజుల్లోనూ వైరస్ వ్యాప్తి నియంత్రణలో ఉంటే ఈ చిత్రాలు విడుదల కావచ్చు. అయితే ఆ వెంటనే కేసులు పెరిగి ఆంక్షలు మొదలైతే మాత్రం మళ్లీ ఇబ్బందులు తప్పవు. ఏదేమైనా కోవిడ్ భూతం చిత్ర పరిశ్రమను ఇంకా వదలలేదన్న ఆవేదన పరిశ్రమ వర్గాల్లో కనిపిస్తోంది.
రాజమౌళి ప్రతిష్ఠాత్మకంగా తెరకెక్కించిన భారీ మల్టీస్టారర్ ఆర్ఆర్ఆర్ ను జనవరి 7న ప్రపంచవ్యాప్తంగా విడుదల చేసేందుకు చిత్రబృందం సిద్ధమవుతున్న విషయం తెలిసిందే. దీనికి సంబంధించిన ప్రమోషన్ కార్యక్రమాలు కూడా అంతే భారీస్థాయిలో నిర్వహిస్తున్నారు. అద్భుతమైన అంచనాలు ఉన్న ఈ చిత్రం విడుదలకు ఒమిక్రాన్ ఆటంకంగా మారుతుందేమోనన్న ఆందోళన అటు చిత్ర యూనిట్లోనూ ఇటు అందులో నటించిన స్టార్ హీరోల అభిమానుల్లోనూ కనిపిస్తోంది. ఈ చిత్రం తర్వాత వారం గ్యాప్తో మరో ప్యాన్ ఇండియా చిత్రంగా ప్రభాస్ కథానాయకుడిగా రూపొందిన రాధేశ్యామ్ కూడా రావాల్సి ఉంది. అయితే జెర్సీ వాయిదా పడిన నేపథ్యంలో ఇప్పుడు ఈ సినిమాల భవితవ్యం ఏంటో స్పష్టం కావాల్సి ఉంది. చిన్న సినిమాలపై ఒమిక్రాన్ ప్రభావం ఏమంత ఉండకపోవచ్చు. ఎందుకంటే వాటిని విడుదల చేసేందుకు ఓటీటీ రూపంలో మెరుగైన ప్రత్యామ్నాయం ఉంది. కానీ భారీ చిత్రాలకు థియేటర్లలో విడుదల అయితేనే మనుగడ ఉండేది. వచ్చే వారం రోజుల్లోనూ వైరస్ వ్యాప్తి నియంత్రణలో ఉంటే ఈ చిత్రాలు విడుదల కావచ్చు. అయితే ఆ వెంటనే కేసులు పెరిగి ఆంక్షలు మొదలైతే మాత్రం మళ్లీ ఇబ్బందులు తప్పవు. ఏదేమైనా కోవిడ్ భూతం చిత్ర పరిశ్రమను ఇంకా వదలలేదన్న ఆవేదన పరిశ్రమ వర్గాల్లో కనిపిస్తోంది.