మరక్కార్ ఓటిటి స్ట్రీమింగ్ అప్పటినుండే..!
కొంత కాలం క్రితం వరకు థియేటర్ లలో విడుదల అయిన సినిమాలు కనీసం 50 రోజుల వరకు ఓ టి టి లలో స్ట్రీమింగ్ అయ్యేవి కావు, కానీ ప్రస్తుతం పరిస్థితులు మారాయి. కరోనా ఎంటర్ అయిన తర్వాత నుండి కొన్ని సినిమాలు నేరుగా ఓ టి టి లోనే విడుదల అవుతూ ఉంటే, మరి కొన్ని సినిమాలు మాత్రం థియేటర్ లలో విడుదల అయినప్పటికీ నెల రోజులు తిరక్కుండానే ఓ టి టి లోకి వచ్చేస్తున్నాయి. స్టార్ హీరోల సినిమాలు ఏవైనా అయితే ఓ టి టి లో స్ట్రీమింగ్ కావడానికి కొంత ఆలస్యం అవుతున్నాయి, అదే మీడియం రేంజ్ హీరోలు సినిమాలు, అయినా లేదా థియేటర్ లలో విడుదల అయ్యి అక్కడ సరైన టాక్ ను సంపాదించుకోలేని సినిమాలు మాత్రం అతి తక్కువ కాలంలోనే ఓ టి టి లోకి వచ్చేస్తున్నాయి.
అయితే తాజా గా మోహన్ లాల్ నటించిన మరక్కర్ సినిమా కూడా థియేటర్ లలో విడుదల అయిన అతి తక్కువ కాలంలోనే ఓ టి టి లోకి వచ్చేస్తుంది. డిసెంబర్ 2 వ తేదీ న పాన్ ఇండియా రేంజ్ లో విడుదలైన ఈ సినిమాకు తెలుగు నాట అఖండ సినిమా నుంచి చాలా గట్టి పోటీ ఎదురైంది, అలాగే ఈ సినిమాకు కూడా సరైన టాక్ టాలీవుడ్ లో రాకపోవడం తో ఈ సినిమా ను తెలుగు ప్రేక్షకులను ఏ మాత్రం ప్రభావితం చేయలేకపోయింది. దానితో ఈ సినిమా ను నాలుగు భాషల్లో డిసెంబర్ 17 వ తేదీన ప్రముఖ ఓ టి టి సంస్థ అమెజాన్ ప్రైమ్ లో స్ట్రీమింగ్ కానున్నట్లు ఈ సంస్థ అధికారి కంగా ప్రకటించింది. మరక్కర్ సినిమాకు ప్రియదర్శన్ దర్శకత్వం వహించగా కీర్తి సురేష్, సుహాసిని, అర్జున్ ముఖ్య పాత్రలు పోషించారు.