సర్కారు వారి పాట మొదటి మోత అప్పుడేనా ... ?

GVK Writings
టాలీవుడ్ సూపర్ స్టార్ మహేష్ బాబు నటించిన లాస్ట్ సినిమా సరిలేరు నీకెవ్వరు గత ఏడాది సంక్రాంతి సందర్భంగా రిలీజ్ అయి సూపర్ డూపర్ హిట్ కొట్టింది. అనిల్ రావిపూడి తీసిన ఈ సినిమాలో మేజర్ అజయ్ కృష్ణ అనే పాత్రలో సూపర్ స్టార్ అద్భుతంగా నటించి అందరినీ ఎంతో ఆకట్టుకున్నారు. ఇక అంతకముందు భరత్ అనే నేను, మహర్షి రూపంలో రెండు సక్సెస్ లు అందుకున్న సూపర్ స్టార్, మొత్తంగా సరిలేరు తో మూడవ విజయం సొంతం చేసుకుని హ్యాట్రిక్ నమోదు చేసారు. ఇక ప్రస్తుతం ఆయన నటిస్తున్న లేటెస్ట్ సినిమా సర్కారు వారి పాట.
ఎప్పుడో మొదలు కావాల్సిన ఈ సినిమా కరోనా కారణంగా చాలా లేట్ గా మొదలై ప్రస్తుతం చివరి దశ చిత్రీకరణ జరుపుకుంటోంది. ఇక ఈ సినిమాపై మహేష్ ఫ్యాన్స్ తో పాటు ఆడియన్స్ లో కూడా ఆకాశమే హద్దుగా అంచనాలు నెలకొని ఉన్నాయి. మహేష్ బాబు ఈ సినిమాలో మంచి మాస్ పాత్ర చేస్తుండగా తొలిసారిగా ఆయనకి జోడీగా సక్సెస్ఫుల్ నటి కీర్తి సురేష్ హీరోయిన్ గా జతకడుతోంది. పరశురామ్ పెట్ల తీస్తున్న ఈ సినిమాని మైత్రి మూవీ మేకర్, జిఎంబి ఎంటర్టైన్మెంట్స్, 14 రీల్స్ ప్లస్ సంస్థలు నిర్మిస్తుండగా ఇటీవల ఈ సినిమా నుండి రిలీజ్ అయిన ఫస్ట్ లుక్ టీజర్ అందరినీ ఎంతో ఆకట్టుకుంది. ఇక ఈ సినిమా నుండి ఫస్ట్ సాంగ్ మొన్నటి దీపావళి సందర్భంగా విడుదల అవుతుందని భావించారు, అయితే అది జరగకపోవడంతో మహేష్ ఫ్యాన్స్ కొంత నిరాశకు లోనయ్యారు.
ఇక లేటెస్ట్ టాలీవుడ్ వర్గాల న్యూస్ ప్రకారం సర్కారు వారి పాట నుండి ఫస్ట్ సాంగ్ న్యూ ఇయర్ రోజున జనవరి 1న విడుదల చేసేలా యూనిట్ ఇప్పటికే ప్రణాళికలు సిద్ధం చేసిందట. మరోవైపు థమన్ సాంగ్స్ అన్ని కూడా అదరగొట్టారని, తప్పకుండా సాంగ్స్ అన్ని చార్ట్ బస్టర్ అవడంతో పాటు ఏప్రిల్ 1న విడుదల కానున్న సినిమా కూడా సూపర్ హిట్ ఖాయం అని యూనిట్ ఆశాభావం వ్యక్తం చేస్తున్నట్లు సమాచారం.
మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

sarkaaru vaari paata

సంబంధిత వార్తలు: