అల్లు రామలింగయ్య అందుకున్న పురస్కారాలు ఇవే..!
అల్లు రామలింగయ్య.. 1922 అక్టోబర్ 1వ తేదీన ఒక హాస్యరత్నం జన్మించింది.. గత మూడు తరాలుగా సినీ ప్రేక్షకులను తన హాస్యంతో అలరించి, మెప్పించిన మహా గొప్ప హాస్యనటుడు.. మొట్టమొదటిసారిగా ప్రముఖ హాస్యనటుడు రేలంగి తరువాత పద్మశ్రీ అవార్డు అందుకున్న రెండవ హాస్యనటుడిగా చరిత్రపుటల్లో కెక్కాడు. ఈయన కుమారుడు ప్రముఖ నిర్మాత అల్లు అరవింద్ కాగా ఈయన అల్లుడు మెగాస్టార్ చిరంజీవి అన్న విషయం అందరికీ తెలిసిందే..
ఈయన సినీ ఇండస్ట్రీకి చేసిన సేవలకు గాను భారత ప్రభుత్వం గౌరవంగా పద్మశ్రీ అవార్డు తో సత్కరించింది.. 1990 వ సంవత్సరంలో పద్మశ్రీ అవార్డు అందుకున్న రెండవ హాస్య నటుడిగా గుర్తింపు పొందారు. 2001వ సంవత్సరంలో ఆంధ్రప్రదేశ్ ప్రభుత్వం అందించే అత్యున్నత పురస్కారం అయిన రఘుపతి వెంకయ్య అవార్డు కూడా ఆయనకు లభించింది.. అంతే కాదు ఆయన హాస్యాన్ని నాటికి నేటికీ మర్చిపోలేక ఆయన అభిమానులు.. పాలకొల్లులో విగ్రహం కూడా నెలకొల్పారు.. ఆయన జీవితం లో సంతృప్తినిచ్చిన సన్నివేశాలు ఏవైనా ఉన్నాయా అంటే.. అది కేవలం ఆయన కొడుకు నిర్మాతగా మారడం, అల్లుడు మెగాస్టార్ గా ఎదగడం, మనవుడు అల్లు అర్జున్ హీరోగా తన స్థానాన్ని నిలదొక్కుకోవడం ఇలా ఇవన్నీ ఆయన జీవితంలో ఎప్పటికీ మరువలేనివి..