తెలుగు తెరకు మరో ప్రకాష్ రాజ్ దొరికాడా ?
సినిమాలలో ఒక మంచి నటుడిగా స్థిరపడాలని ఎంతో మంది ఆర్టిస్టులు అనుకుంటూ ఉంటారు. కానీ వారిలో కొంతమంది మాత్రమే వారి కోరికను నెరవేర్చుకోవడంలో సక్సెస్ అవుతారు. కానీ ఇంత పెద్ద సినిమా పరిశ్రమలో అవకాశాలు అతి తక్కువగా వస్తుంటాయి. అందుకే వచ్చిన అవకాశంతో మనమంటే ఏమిటో నిరూపించుకోవాల్సిన అవసరం ఉంది. ఈ విధంగా ఎంతోమంది ఒక్క పాత్ర తోనే డైరెక్టర్ లకు మంచి ఛాయిస్ లుగా మారిపోతుంటారు. ప్రస్తుతం ఒక కన్నడ నటుడు తెలుగులో ఒక మంచి క్యారెక్టర్ ఆర్టిస్టుగా సెటిల్ అవ్వడానికి తన వంతు ప్రయత్నాలలో నిమగ్నమై ఉన్నాడు. రవీంద్ర విజయ్ పుట్టింది పెరిగింది కర్ణాటకలోని బెంగళూర్ లో... తెలుగు, తమిళ్ మరియు ఇంగ్లీష్ భాషలను సంపూర్ణంగా మాట్లాడగలడు. ఇతను స్వతహాగా డాక్టర్ అయినప్పటికీ నటనపై తనకున్న ప్రత్యేక శ్రద్ద కారణంగా తన డాక్టర్ వృత్తిని వదిలిపెట్టి 2010 సంవత్సరంలోనే తమిళనాడుకు చేరుకున్నాడు.