పీకల మీదకొచ్చినా మళ్ళీ రిస్క్ చేయబోతున్న నాగబాబు... ?
మెగాస్టార్ తనయుడు రామ్ చరణ్ చిత్రానికి మరోసారి నిర్మాణ బాధ్యతలు చేపట్టడానికి నాగబాబు సన్నాహాలు చేస్తున్నట్లు సమాచారం. నాగబాబు నిర్మాణంలో, చెర్రీ హీరోగా తెరకెక్కిన ఆరెంజ్ మూవీ బాక్సాఫీస్ వద్ద బోల్తా పడడంతో అప్పట్లో తనను మళ్లీ ఆర్థికంగా నిలబెట్టే బాధ్యత నాదే అంటూ రామ్ చరణ్ చెప్పినట్లుగా వార్తలు ప్రచారం కాగా, ఇప్పుడు మాట నిలబెట్టుకునేందుకే ఓ మంచి కథకు ఓకే చెప్పిన చెర్రీ ఆ సినిమాకు నిర్మాతగా తన బాబాయ్ నాగబాబు ఉండాలని భావించడంతో ఈ న్యూస్ బయటకు వచ్చినట్లు ఫిల్మ్ ఇండస్ట్రీలో గుసగుసలు వినపడుతున్నాయి. ఓ వైపు ప్రస్తుతం సొంత నిర్మాణంలో వరుస సినిమాలు తెరకెక్కిస్తున్నప్పటికీ బాబాయ్ కి ఇచ్చిన మాట కోసం ఈ ఆఫర్ ను నాగబాబు చేతిలో పెట్టారట చెర్రీ.