సస్పెన్స్ థ్రిల్లర్ తర్వాత క్యాంపస్ లవ్ స్టోరీనా..!
నాని నిర్మాతగా విశ్వక్ సేన్, రుహాని శర్మ కలిసి నటించిన సినిమా హిట్. నూతన దర్శకుడు శైలేష్ ఈ సినిమాను డైరెక్ట్ చేశారు. సస్పెన్స్ థ్రిల్లర్ గా వచ్చిన ఈ సినిమా ప్రేక్షకులను ఆకట్టుకుంది. సినిమా మీద ఫుల్ కాన్ఫిడెంట్ ఉంటేనే గాని ఎండ్ కార్డ్ లో పార్ట్ 2 అని పోస్టర్ వేయరు. హిట్ సినిమాకు సీక్వల్ కథ సిద్ధంగా ఉన్నా ప్రస్తుతం దాన్ని పక్కన పెట్టినట్టు తెలుస్తుంది. హిట్ సినిమాను బాలీవుడ్ రీమేక్ చేయబోతునారు దిల్ రాజు. అక్కడ కూడా శైలేష్ డైరెక్ట్ చేస్తారని తెలుస్తుంది.
బాలీవుడ్ లో ఈ సినిమా రాజ్ కుమార్ రావుతో తెరకెక్కించాలని అనుకుంటున్నారు. హిందీ హిట్ కు కొద్దిగా టైం పట్టేలా ఉందని శైలేష్ ఈ గ్యాప్ లో ఓ లవ్ స్టోరీతో సినిమా చేస్తున్నాడట. క్యాంపస్ లవ్ స్టోరీగా రాబోతున్న ఈ సినిమాలో ఓ యువ హీరో నటిస్తాడని తెలుస్తుంది. మొదటి సినిమా సస్పెన్స్ థ్రిల్లర్ తో మెప్పించి సెకండ్ సినిమా లవ్ స్టోరీతో రాబోతున్నాడు శైలేష్. తప్పకుండా అతని గ్రిప్పింగ్ స్క్రీన్ ప్లే లవ్ స్టోరీని ప్రేక్షకులను అలరించేలా చేస్తుందని చెప్పొచ్చు.
సస్పెన్స్ సినిమా డైరెక్ట్ చేసిన శైలేష్.. ఫీల్ గుడ్ లవ్ స్టోరీ చెప్పడం చాలా తేలిక. శైలేష్ తీయబోయే ఈ లవ్ స్టోరీలో ఎవరు నటిస్తున్నారు. సినిమా మిగా క్రూ ఎవరన్నది తెలియాల్సి ఉంది. ఈ లాక్ డౌన్ టైంలో డైరక్టర్స్ అంతా 2, 3 కథలను సిద్ధం చేసుకున్నారు. లవ్ స్టోరీతో తన సెకండ్ మూవీ చేస్తున్న శైలేష్ ఈసారి ఎలా అలరిస్తాడో చూడాలి.