પ્રશંસકોની આતુરતાનો અંત, કરીનાએ ઈન્ટાગ્રામ પર કર્યું ડેબ્યૂ
બોલિવૂડ એક્ટ્રેસ કરીના કપૂર અક્ષય કુમાર સાથે ફિલ્મ ગુડ ન્યૂઝમાં જોવા મળી હતી. બંનેની જોડીને દર્શકોએ ખૂબ પસંદ કરી હતી. આ ફિલ્મે બોક્સ ઓફિસ પર 300 કરોડથી વધુનો ધંધો કર્યો હતો. સૌથી મહત્વની વાત એ છે કે આટલી લોકપ્રિયતા હોવા છતાં કરીના કપૂર ઇન્સ્ટાગ્રામથી દૂર છે. કરીનાના ચાહકો ઇન્સ્ટાગ્રામ પર તેના આગમનની આતુરતાથી રાહ જોઈ રહ્યા છે.
કરીનાના ચાહકોની આ પ્રતીક્ષા સમાપ્ત થઈ ગઈ છે કારણ કે કરીનાએ ઇન્સ્ટાગ્રામ પર આવી છે. ઇન્સ્ટાગ્રામ પર કરીના કપૂર ખાનના નામે એક એકાઉન્ટ અસ્તિત્વમાં છે. આ ખાતા પર પહેલાથી 329k ફોલોવર્સ છે. હમણાં સુધી આ એકાઉન્ટ પર કોઈ પ્રોફાઇલ ચિત્ર ન હતુ, પરંતુ આ એકાઉન્ટમાંથી એક વીડિઓ શેર કરવામાં આવ્યો છે, જે બેબોના આગમન વિશે માહિતી આપે છે.
જો કે હજી સુધી કોઈ સત્તાવાર ઘોષણા કરવામાં આવી નથી, પરંતુ વીડિયોના કોમેન્ટ વિભાગને જોતા જ ખબર પડે છે કે કરીના ઇન્સ્ટાગ્રામ પર આવી ગઈ છે. કરિનાના ચાહકોએ કમેન્ટ કરીને તેનું સ્વાગત કર્યું છે. એક ઇન્ટરવ્યૂમાં કરીનાએ તેના ઇન્સ્ટાગ્રામ પર દેખાવાની પણ વાત કરી હતી. અભિનેત્રીએ કહ્યું હતું કે, ‘મારું એક ઓફિશિયલ પેજ છે, જેના પર મને મારાથી સંબંધિત દરેક અપડેટ મળશે અને કેટલાક અંગત ફોટા પણ.’ બેબોએ કહ્યું હતું કે, ‘હું જાણું છું કે મારા ફેન ક્લબના પણ 6-7 મિલિયન ફોલોઅર્સ છે. મારા ઘણા ચાહકો આ પેજને ચલાવે છે.