மீண்டும் ரீஎண்ட்ரி கொடுக்கும் சுகன்யா
'புது நெல்லு புது நாத்து' திரைப்படத்தின் மூலம் சினிமாவிற்கு அறிமுகமானவர் நடிகை சுகன்யா. இவர் கமல் ஹாசன், சத்யராஜ், பிரபு, விஜயகாந்த் உள்பட பல நடிகர்களோடு இணைந்து பல திரைப்படங்களில் நடித்துள்ளார்.
சமீப காலமாக திரைத்துறையில் இருந்து விலகி இருந்த இவர், தற்போது 'இணையதளம்' என்ற திரைப்படத்தின் மூலம் மீண்டும் அறிமுகமாகிறார். இந்த படத்தில் 'தனி ஒருவன்' உள்ளிட்ட பல திரைப்படங்களில் நடித்த கணேஷ் வெங்கட்ராமன் ஹீரோவாகவும், சுவேதா மேனன், டில்லி கணேஷ், ஈரோடு மகேஷ் உள்ளிட்ட பலரும் நடிக்க ஒப்பந்தமாகியுள்ளார்.
இந்த படத்தை சங்கர் மற்றும் சுரேஷ் இயக்கவுள்ளனர். அரோல் கரோலி இசையமைக்கவுள்ளார். அனுகிரஹா ஆர்ட் பிலிம்ஸ் இந்த படத்தை தயாரிக்கிறது. மேலும் இதன் பூஜை இன்று சென்னையில் எளிய முறையில் நடைபெற்றது.