தள்ளி போன இருமுகன்....
விக்ரம் நடிப்பில் உருவாகியுள்ள 'இருமுகன்' திரைப்படம், வரும் ஆகஸ்ட் 12-ந்தேதி, சுதந்திர தினத்தை முன்னிட்டு வெளிவரும் என முதலில் அறிவிக்கப்பட்டிருந்தது. ஆனால் தற்போது இதன் ரிலீஸை ஒத்திவைத்துள்ளதாக கூறப்படுகிறது.
ரசிகர்கள் எதிர்பார்த்துள்ள இந்த படத்தை வரும் செப்டம்பர் 9-ம் தேதி, பக்ரீத் பண்டிகை அன்று படக்குழுவினர் வெளியிடவுள்ளதாக தகவல்கள் வந்துள்ளன. இதன் ட்ரைலர் ஆகஸ்ட் முதல் வாரத்தில் வெளிவரும் என கூறப்படுகிறது.
இதுகுறித்த அதிகார பூர்வத்த தகவல்கள் விரைவில் வெளிவரும் என எதிர்ப்பார்க்கப்படுகிறது.
மேலும் தமிழ் மற்றும் தெலுங்குவில் வெளிவரவுள்ள 'இருமுகன்' திரைப்படத்தை ஆனந்த் ஷங்கர் இயக்கியுள்ளார். ஷிபு தமீன்ஸ் தயாரிக்கும் இந்த படத்தில் விக்ரம், நயன்தாரா, நித்யா மேனன் உள்ளிட்டோர் நடித்துள்ளனர். இந்த படத்திற்கு ஹாரிஸ் ஜெயராஜ் இசையமைத்துள்ளார்.