"அகிரா" செப்.2-ல் ரிலீஸ்... ஆக்சனில் அதகளம் செய்துள்ள சோனாக்சி
மும்பை:
தமிழில் மௌனகுருவாக வந்து நல்ல விமர்சனங்களை பெற்ற படம் தற்போது ஏ.ஆர்.முருகதாஸ் இயக்கத்தில் இந்தியில் "அகிரா"வாக மாறியுள்ளது. இந்த படம் செப்டம்பர் 2-ம் தேதி வெளியாகும் என்று நடிகை சோனாக்ஷி சின்ஹா தெரிவித்துள்ளார்.
இதுகுறித்து அவர் வெளியிட்டுள்ள ட்விட்டர் பதிவில் என்ன சொல்லியிருக்கிறார் தெரியுங்களா? ''ஏ.ஆர்.முருகதாஸ் என்னை முழுமையாக மாற்றியுள்ள படம் 'அகிரா'. இதை பார்க்க நீங்களும், நானும் இனிமேலும் காத்திருக்க வேண்டியதில்லை. படத்தை செப்டம்பர் 2-ல் வெளியிட உள்ளோம்'' என்று தெரிவித்துள்ளார்.
சில பல பயிற்சிகளுக்கு பின்னர் சோனாக்ஷி ஆக்சனில் அதகளம் செய்துள்ளாராம். அந்த காட்சிகள் அனைத்தும் ரசிகர்களைக் கவரும் வகையில் படமாக்கப்பட்டு உள்ளதாக படக்குழு தெரிவித்துள்ளது.
இந்த படத்தில், சோனாக்ஷியின் தந்தை சத்ருகன் சின்ஹாவும் இடம்பெற்றிருக்கிறார்.