கார் டயர் பஞ்சராக்கிய ரசிகர்கள்... சிக்கி திணறிய சமந்தா
மதுரை:
சமந்தா என்றாலே சர்ச்சைதான் என்று ஆகிவிடும் போல் இருக்கிறது. இவர் மதுரைக்கு வந்தார்... ரசிகர்கள் கூட்டத்தால் திணறி போய்விட்டார்.
மதுரையில் தனியார் நிறுவனத் திறப்பு விழாவிற்கு வந்தார் சமந்தா. தெறி படத்தின் தெறி வெற்றிக்கு பின்னர் இவரை நேரடியாக பார்க்க திரண்டிருந்த ரசிகர்கள் செய்ததுதான் வேதனை.
பாதுகாப்பு ஏற்பாடுகள் பலமாக இருந்தாலும், அதையும் மீறி ரசிகர்கள் மேடையை நோக்கி நகர விழாவுக்காக வைத்திருந்த ஒலி பெருக்கிகள் சரிய, மேடையும் ஆட்டம் கண்டது. அவ்வளவுதான் பொங்கி எழுந்த போலீசார் தடியடி நடத்தும் நிலை. ரசிகர்களின் ஆர்வ கோளாறு சமந்தாவை திணறடிக்க பாதுகாவலர்கள் அவரை பத்திரமாக காரில் ஏற்றினர்.
அப்போதுதான் அவரது கார் யாரோ ரசிகரால் பஞ்சர் ஆக்கப்பட்டு இருந்ததாம். அப்புறம் என்ன அவரை மாற்று காரில் ஏற்றி அனுப்பி வைத்துள்ளனர். பொண்ணை தெறிக்க விட்டு விட்டார்களே...