రామబాణం ప్రీ రిలీజ్ ఈవెంట్ కు ప్రభాస్ రాకపై క్లారిటీ ఇచ్చిన గోపి చంద్..!!
గోపీచంద్ మంచి యాక్షన్ సినిమాలు చేసి హిట్స్ అందుకున్నాడు. అయితే ఇప్పటికి వరుస సినిమాలు అయితే చేస్తున్నాడు కానీ సరైన హిట్ మాత్రం రావట్లేదు.
ఈ క్రమంలోనే ఈయన హిట్ కొట్టి చాలా ఏళ్ళు అయితే అవుతుంది. అందుకే ఒక్క హిట్ కోసం గోపీచంద్ తెగ ఎదురు చూస్తున్నాడు.
మరి ప్రస్తుతం గోపీచంద్ లక్ష్యం, లౌక్యం వంటి హిట్స్ ఇచ్చిన డైరెక్టర్ శ్రీవాస్ తో పని చేస్తున్నాడట . గోపీచంద్ కెరీర్ లో ఈ రెండు సినిమాలు ఏ రేంజ్ లో విజయం సాధించాయో ప్రత్యేకంగా చెప్పాల్సిన పని లేదు. లౌక్యం సినిమాతో బ్లాక్ బస్టర్ హిట్ అందుకున్న గోపీచంద్ ఆ రేంజ్ లో మరో హిట్ అయితే అందుకోలేక పోయాడు. అందుకే ఈసారి ఎలాగైనా సరే హిట్ అందుకోవాలని అనుకుంటున్నాడు.
డైరెక్టర్ శ్రీవాస్ దర్శకత్వంలో గోపీచంద్ హీరోగా తెరకెక్కిన లేటెస్ట్ మూవీ ''రామబాణం'' ఇప్పటికే ఈ సినిమా నుండి విడుదల అయిన పోస్టర్స్, టీజర్ ఆడియెన్స్ ను అలరించాయి.. ఇదిలా ఉండగా ఈ సినిమా విడుదల తేదీ దగ్గర అవుతున్న కొద్దీ ఈ సినిమా ప్రమోషన్స్ లో స్పీడ్ పెంచేసింది. వరుసగా ఇంటర్వ్యూలు చేస్తూ బాగా హడావిడి చేస్తున్నారు.. అయితే ఈ సినిమా కోసం గోపీచంద్ స్నేహితుడు ప్రభాస్ ప్రీ రిలీజ్ ఈవెంట్ కు రాబోతున్నాడు అని నిన్నటి నుండి నెట్టింట వార్తలు తెగ వస్తున్నాయి. ఈ క్రమంలోనే ఈ రూమర్స్ పై గోపీచంద్ స్పందిస్తూ.. ఎంత స్నేహితుడు అయిన కానీ పాన్ ఇండియా హీరోగా వరుసగా ప్రాజెక్ట్స్ చేస్తూ బిజీగా ఉన్న తనని ఇబ్బంది పెట్టాలని అయితే అనుకోవడం లేదని.. అందుకే ప్రభాస్ ఈ ఈవెంట్ కు రావడం లేదని క్లారిటీ అయితే ఇచ్చాడు. దీంతో ముందు నుండి వీరి మధ్య ఉన్న స్నేహం కారణంగా ప్రభాస్ వస్తాడని డార్లింగ్ ఫ్యాన్స్ కూడా ఈగర్ గా ఎదురు చూస్తున్న నేపథ్యంలో రావడం లేదని చెప్పి ఈ రూమర్స్ కు క్లారిటీ ఇచ్చాడు. కానీ ఫ్యాన్స్ మాత్రం కొద్దిగా నిరాశ చెందారని తెలుస్తుంది.ఇదిలా ఉండగా రామబాణం సినిమాను మే 5న సమ్మర్ కానుకగా భారీ స్థాయిలో విడుదల చేయనున్నారు.ఇక పీపుల్స్ మీడియా ఫ్యాక్టరీ నిర్మిస్తున్న ఈ సినిమాలో జగపతిబాబు, ఖుష్బూ వంటి వారు కీలక పాత్రల్లో నటిస్తుండగా.. మిక్కీ జే మేయర్ సంగీతం అందిస్తున్నాడట. హాట్ బ్యూటీ డింపుల్ హయతి హీరోయిన్ గా నటిస్తుంది..